مردہ دادا کے ساتھ سیلفی٬ سعودی عرب میں ہنگامہ

سیلفی کا شوق نوجوانوں میں اب جنون کی حدود سے نکل کر ایک خطرناک صورتحال میں داخل ہورہا ہے اور نوجوان اس صورتحال کی زد میں آکر اپنی اخلاقی اقدار کو بھی پامال کرتے دکھائی دے رہے ہیں-

ایسا ہی ایک واقعہ گزشتہ دنوں سعودی عرب میں پیش آیا جہاں ایک نوعمر لڑکے نے اپنے انتقال کرجانے والے دادا کے ساتھ انتہائی اخلاق باختہ انداز میں سیلفی بنائی اور اسے سوشل میڈیا پر پوسٹ کردیا-
 

پوتے کی جانب سے سوشل میڈیا پر پوسٹ کی جانے والی تصویر کے ساتھ لکھا گیا تھا کہ “ گڈ بائے دادا جی “- لیکن سوشل میڈیا کے صارفین کی جانب سے اس عمل کو شدید تنقید کا نشانہ بنایا جارہا ہے اور مطالبہ کیا جارہے اس پوتے کو تلاش کیا جارہے ہے-

صارفین کی جانب سے اس سیلفی کو انتہائی اخلاق سے گری ہوئی حرکت قرار دیا گیا ہے-

دوسری جانب مدینہ شہر کے محکمہ صحت کی انتظامیہ کا کہنا ہے کہ “ اگر یہ سیلفی اسپتال میں کھینچی گئی ہے تو ضرور اسپتال کی انتظامیہ کے خلاف کاروائی کی جائے گی اور ساتھ ہی اس نوعمر پوتے کو بھی سبق سکھایا جائے گا“-

تاہم فی الحال اس سیلفی نے سعودی عرب میں سوشل میڈیا کے صارفین کے درمیان ایک ہنگامہ برپا کر رکھا ہے اور ہر کوئی اس رویے کو انتہائی غیر ذمہ دارانہ قرار دے رہا ہے-