دیکھنے میں معصوم لیکن اتنے خطرناک جانور کہ---

دنیا میں لوگوں کی ایک بڑی اکثریت یہ سمجھتی ہے کہ صرف بڑے اور خوفناک دکھائی دینے والے جانور ہی انسانوں کے لیے خطرناک ثابت ہوسکتے ہیں لیکن وہ یہ نہیں جانتے کہ دنیا میں ایسے بہت سے جانور بھی پائے جاتے ہیں جو دیکھنے میں تو انتہائی معصوم اور پیارے لگتے ہیں لیکن بڑے جانوروں سے کئی زیادہ خطرناک ہوتے ہیں- ایسے ہی چند انتہائی خطرناک جانوروں کے بارے میں آج آپ اس آرٹیکل کے ذریعے جانیں گے-
 

Cassowary
یہ پرندہ آسٹریلیا میں پایا جاتا ہے اور دیکھنے میں بےضرر معلوم ہوتا ہے- لیکن حقیقت یہ ہے کہ اگر آپ نے اسے پریشان کرنے کی کوشش کی تو یہ آپ پر بھرپور انداز میں حملہ کرنے کی صلاحیت رکھتا ہے- اور یقین جانیے کہ یہ حملہ اس حد تک جارحانہ ہوگا کہ آپ سنبھل بھی نہیں پائیں گے-

Deer
آپ کے خیال میں ہرن ایک عام سے جانور ہے جو کہ گھاس کھاتا ہے اور آرام کرتا ہے لیکن آپ کو جلد اپنی یہ غلط فہمی دور کرلینی چاہیے- ہرن اور ہرن کی ایک خاص قسم bucks کو اپنے جارحانہ رویے اور انسانوں کو روندنے کے حوالے سے جانا جاتا ہے-

Cats
ہم یہاں نہ تو پالتو جانوروں کے بارے میں بات کر رہے ہیں اور نہ ہی شیر اور چیتوں کے بارے میں- ہم یہاں بات کر رہے ہیں درمیانی جسامت کے پوماز اور پینتھرز کی- ان کے چھوٹے قد کی وجہ سے دھوکہ کبھی مت کھائیے کیونکہ یہ بھی شیر اور چیتے جتنے ہی خطرناک ثابت ہوسکتے ہیں-

Dolphins
بظاہر ڈولفن کو ہم عموماً تفریح کے لیے استعمال ہوتا ہوا دیکھتے ہیں لیکن شاید آپ نہیں جانتے کہ ڈولفن شارک کو ہلاک کرنے کی صلاحیت بھی رکھتی ہے- اب آپ خود ہی سمجھ سکتے ہیں کہ جب شارک محفوظ نہیں تو پھر یہ آپ کے لیے بھی اتنی ہی خطرنک ہے جتنی شارک کے لیے-

Beavers
دیکھنے میں یہ ایک چھوٹا مگر ایسا جانور معلوم ہوتا ہے جو کسی کو نقصان نہیں پہنچا سکتا تاہم یہ حقیقت نہیں ہے کیونکہ یہ جانور اپنے دانت استعمال کرنے سے ہرگز نہیں ہچکچاتا- اور اس جانور کے دانت ہی اس کا سب سے بڑا ہتھیار ہیں-

Pufferfish
یقیناً کوئی بھی شخص اس مچھلی کو دیکھتے ہیں اس کی خوبصورتی کی تعریف کیے بغیر نہیں رہ سکے گا- لیکن یہ ایک انتہائی زہریلی مچھلی ہے جو انسان کو آسانی سے قتل کرنے کی صلاحیت رکھتی ہے- اس کا زہر انسان کے تنفس کے نظام کو مفلوج کر دیتا ہے-

Red Fox
عام طور پر بھیڑیوں کو برا سمجھا جاتا ہے لیکن یہ لومڑی ان سے بھی کئی زیادہ خطرناک ثابت ہوتی ہے- اس لومڑی کا شکار عموماً بچے بنتے ہیں-