آئل اینڈ گیس کمپنی (او جی ڈی سیٕ) نے پاکستان کے صوبہ
سندھ میں خام تیل کا ایک وسیع ذخیرہ دریافت کیا ہے۔ خام تیل کے یہ ذخائر
ٹنڈو الہ یار کے ایک قریبی علاقے سے دریافت کیے گئے ہیں- کمپنی کے مطابق اس
کنویں سے روزانہ ایک ہزار پچانوے بیرل کی مقدار میں خام تیل نکالا جاسکے گا۔
او جی سی ڈی کے مینجنگ ڈائریکٹر محمد رفیع کا اپنی پریس کانفرنس میں کہنا
تھا کہ “کمپنی ایک ماہ بعد 70 کروڑ روپے مالیت کا تیل اس کنویں سے نکالنے
کا آغاز کرے گی جبکہ کنویں میں شیل گیس بھی موجود ہے“۔
|
|
محمد رفیع کے مطابق یہ گیس ٹریٹمنٹ کے بعد سسٹم میں داخل کردی جائے گی۔
او جی ڈی سی کے ترجمان نے حالیہ دریافت کو ملک کے تیل کے ذخائر میں ایک اہم
اضافہ قرار دیا ہے۔
ترجمان کا کہنا ہے کہ “یہ دریافت سندھ کے حوالے سے انتہائی اہم ہے کیونکہ
خیبر پختونخوا اور بالائی پنجاب پہلے بھی اس طرح کی بڑی دریافتیں ہوئی ہیں
تاہم سندھ میں ایسی دریافتیں کم ہی دیکھنے میں آتی ہیں۔‘‘
|
|
ترجمان کے مطابق یہ ذخیرہ جس کنویں سے دریافت ہوا ہے اسے پولی ڈیپ ون کہا
جاتا ہے، اس کو چار ہزار میٹر سے زیادہ گہرائی تک کھودا گیا تھا۔‘‘ |