آسٹریلیا میں منعقدہ ہونے والے آرنلڈ کلاسک آسٹریلیا 2015
کے باڈی بلڈر کا ٹائیٹل پاکستانی باڈی بلڈر عاطف انور نے جیت لیا ہے۔ عاطف
انور اس سے قبل 2005 میں مسٹر پاکستان کا اعزاز بھی حاصل کر چکے ہیں-
|
|
اس کے علاوہ عاطف انور کو مسٹر سندھ اور مسٹر کراچی رہنے کا اعزاز بھی حاصل
ہے- عاطف انور 2009 میں امریکہ میں منعقد کیے جانے والے مقابلے مسلز مینیا
میں پاکستان کی نمائندگی بھی کرچکے ہیں اور اس مقابلے میں انہوں نے چوتھی
پوزیشن حاصل کی تھی-
عاطف انور نے آرنلڈ کلاسک باڈی بلڈر کا اعزاز مرد باڈی بلڈرز کی 100 کلو
گرام کیٹگری میں حاصل کیا ہے۔
عاطف انور کو ہالی ووڈ کے معروف اداکار آرنلڈ شوازنگر نے کھڑے ہوکر
پاکستانی تن ساز کو مقابلے میں فاتح قرار دیتے ہوئے انہیں میڈل پہنایا اور
انہیں داد دی-
|
|
آسٹریلیا میں منعقد کیے جانے والے آرنلڈ کلاسک مقابلوں میں پاور لفٹنگ،
خواتین اور مردوں کی باڈی بلڈنگ اور مارشل آرٹس کے مقابلوں کا انعقاد کیا
گیا۔
آرنلڈ کلاسک ایوارڈ ہر سال مختلف اسپورٹس کیٹگریز کے لئے منعقد کئے جاتے
ہیں اور انمقابلوں میں جیتنے والوں کو ’آرنیز‘ کا خطاب دیا جاتا ہے۔ |