پاکستانی طلبہ کی تیار کردہ “ایرو ڈائنیمک“ کار

صوبہ پنجاب کے شہر ساہیوال کے طلبہ ایک ایسی ماحول دوست کار تیار کرنے میں کامیاب ہوگئے جو کم پیٹرول میں زیادہ سفر طے کرنے کی صلاحیت رکھتی ہے- RUSH نامی اس ماحول دوست کار کی تیاری میں طالعبلموں اور ان کے اساتذہ کو 5 ماہ کا عرصہ لگا-

یہ کار ساہیوال ساہیوال کی کامسیٹس یونیورسٹی کے میکینیکل انجینئرنگ ڈپارٹمنٹ کے طلبہ اور اساتذہ نے مل کر تیار کی جبکہ اس کی تیاری میں 3 لاکھ 50 ہزار روپے کی لاگت آئی-

یونیورسٹی کے طلبہ کو یہ پروجیکٹ کم قیمت لیکن متعدد خصوصیات کی حامل کار کے ہدف کے طور پر دیا گیا تھا-

اس کار میں 70 سی سی کا انجن نصب ہے اور یہ صرف ایک لیٹر میں 60 کلومیٹر تک چلنے کی صلاحیت رکھتی ہے- کار کی لمبائی 9 فٹ٬ اونچائی 4 فٹ جبکہ چوڑائی بھی 4 فٹ ہی ہے-

ایک شخص کے بیٹھنے کی گنجائش کی حامل اس کار کی باڈی ہلکے فائبر گلاس سے تیار کردہ ہے اور اس کا وزن 200 کلوگرام ہے- تاہم افراد کے بیٹھنے کی گنجائش میں اضافہ بھی کیا جاسکتا ہے-

مذکورہ کار فلبائن کے شہر منیلا میں ہونے والے ’منیلا انٹرنیشنل آٹو شو 2015‘ میں پاکستان کی نمائندگی کے لیے بھی بھیجی جائے گی۔

< Previous ارفع کریم’’ وہ پھول جو مرجھا گیا‘‘NEXT > آفتوں کی کہانیاں حقیقی بھی ہوسکتی ہیں