دنیا کی سب سے زیادہ طاقتور افواج٬ پاکستان کی پوزیشن--

فوج چاہے کسی بھی ملک کی ہو اس کی اولین ذمہ داری اپنے ملک کی سرحدوں کی حفاظت کرنا اور اپنے شہریوں کا تحفظ یقینی بنانا ہوتی ہے- اسی اعتبار سے دنیا کے تقریباً تمام ممالک نے اپنی افواج قائم کر رکھی ہیں جو کہ کئی منفرد صلاحیتوں کی مالک ہونے کے علاو جدید جنگی ہتھیاروں سے بھی لیس ہیں-ہم آج آپ کو دنیا کی سب سے زیادہ طاقتور افواج کے بارے میں بتائیں گے جن کی درجہ بندی بین الاقوامی ادارے گلوبل فائر پاور نے کی ہے- یہ درجہ بندی ان افواج کے اہلکاروں کی تعداد٬ پیشہ ورانہ صلاحیتوں اور جنگی ہتھیاروں کی بنیاد پر کی گئی ہے-
 

امریکہ
دنیا کی سب سے طاقتور افواج کی اس فہرست میں پہلی پوزیشن امریکہ کو حاصل ہے- امریکی فوج 14 لاکھ 30 ہزار اہلکاروں پر مشتمل ہے اور اس فوج کے پاس 8325 ٹینک٬ 13683 جنگی طیارے٬ 7506 ایٹمی ہتھیار ٬ 10 جنگی بحری بیڑے جبکہ 72 آبدوزیں موجود ہیں-

روس
دنیا کی دوسری سب سے طاقتور فوج روس کی ہے- روسی فوج 7 لاکھ 66 ہزار فعال اہلکاروں پر مشتمل ہے-یہ فوج 15000 ٹینک٬ 3082 جنگی طیارے٬ 8484 ایٹمی ہتھیار٬ 1 بحری بیڑہ اور 63 آبدوزوں سے لیس ہے-

چین
چینی معیشت تیزی سے ترقی تو کر ہی رہی ہے لیکن اسے دنیا کی تیسری سب سے زیادہ طاقتور فوج رکھنے کا اعزاز بھی حاصل ہے- چینی فوج میں 22 لاکھ 85 ہزار اہلکار شامل ہیں- چین کے جنگی ساز و سامان کے حوالے سے 9150 ٹینک٬ 2788 جنگی طیارے٬ 250 ایٹمی ہتھیار٬ 1 جنگی بحری بیڑہ اور 69 آبدوزیں شامل ہیں-

انڈیا
اس فہرست میں انڈیا کا چوتھا نمبر ہے اور اس کی فوج 13 لاکھ 25 ہزار فعال اہلکاروں پر مشتمل ہے- انڈیا 3569 ٹینک٬ 1785 جنگی طیارے٬ 80 سے 100 ایٹمی ہتھیار٬ 2 جنگی بحری بیڑے اور 17 آبدوزیں رکھتا ہے-

برطانیہ
دنیا کی پانچویں سب سے زیادہ طاقتور فوج برطانیہ کی ہے جس میں 2 لاکھ 5 ہزار 330 اہلکار شامل ہیں- برطانوی فوج کے جنگی سازو سامان میں 407 ٹینک٬ 908 جنگی طیارے٬ 225 ایٹمی ہتھیار٬ 1 جنگی بحری بیڑہ اور 11 آبدوزیں شامل ہیں-

فرانس
فرانس اس فہرست میں چھٹی پوزیشن پر ہے اور 2 لاکھ 28 ہزار 656 اہلکاروں پر مشتمل فوج رکھتا ہے- فرانس کی فوج 423 ٹینک٬ 1203 جنگی طیارے٬ 300 ایٹھی ہتھیار٬ 1 جنگی بحری بیڑہ اور 10 آبدوزوں سے لیس ہے-

جرمنی
جرمنی دنیا کی ساتویں سب سے زیادہ طاقتور فوج کا مالک ہے- جرمن فوجیوں تعداد 1 لاکھ 83 ہزار ہے جبکہ جرمن ملٹری کے پاس 408 ٹینک٬ 710 جنگی طیارے اور 4 آبدوزیں موجود ہیں- تاہم جرمنی کے پاس کوئی بحری بیڑہ اور ایٹمی ہتھیار موجود نہیں-