سعودی عرب٬ چونکا دینے والے حقائق

سعودی عرب جزیرہ نمائے عرب کا دوسرا بڑا ملک ہے اور اسے حرمین شریفین کی سرزمین بھی کہا جاتا ہے کیونکہ یہاں اسلام کے دو مقدس ترین مقامات مکہ مکرمہ اور مدینہ منورہ موجود ہیں۔ سعودی عرب کی مقبولیت کی ایک بڑی وجہ یہاں پائے جانے تیل کے بےپناہ ذخائر بھی ہیں- لیکن ہم سعودی عرب کے حوالے سے آج جن حقائق کا ذکر کرنے جارہے ہیں وہ دلچسپ ہونے کے ساتھ ساتھ کچھ چونکا دینے کے والے بھی ہیں- ان حقائق سے عام طور پر کم ہی لوگ واقف ہوتے ہیں اس لیے آپ بھی پڑھیے اور اپنی معلومات میں اضافہ کیجیے-

سعودی عرب کے دارالحکومت ریاض میں روزانہ 100 اونٹ فروخت کیے جاتے ہیں اور یہ اونٹوں کی ایک بڑی مارکیٹ ہے-

سعودی عرب میں کام کرنے والے 80 فیصد مزدوروں کا تعلق دنیا کے دیگر ممالک سے ہیں- سعودی عرب میں 8.412 ملین افراد مزدوری کرتے ہیں جن میں سے تقریباً 6 ملین تارکین وطن ہیں جبکہ ان میں سے زیادہ تر افراد تیل کے شعبے میں کام کرتے ہیں-

الغوار سعودی عرب میں واقع ایک ایسا مقام ہے جہاں دنیا کے سب سے زیادہ تیل کے ذخائر پائے جاتے ہیں- ایک اندازے کے مطابق اس مقام پر 75 بلین بیرل تیل موجود ہے-

سعودی عرب کا سالانہ فوجی بجٹ افغانستان کے جی ڈی پی سے 3 گنا زیادہ ہے- افغانستان کا جی ڈی پی 20 بلین ڈالر ہے جبکہ سعودی عرب کا سال 2013 کا فوجی بجٹ 67 بلین ڈالر تھا-

سعودی عرب ایک ایسا ملک ہے جو جرمنی سے 6 گنا بڑا ہے لیکن زیادہ تر یہاں صحرا پائے جاتے ہیں- سعودی عرب دنیا کا 13واں جبکہ عرب ممالک کا دوسرا بڑا ملک ہے اور 830,000 اسکوائر میل کے رقبے پر پھیلا ہوا ہے- عرب ممالک میں سب سے بڑا ملک الجیریا ہے-

سعودی عرب میں اس وقت دنیا کی بلند ترین عمارت زیرِ تعمیر ہے جو کہ 2018 میں مکمل ہونے کے بعد یہ باقاعدہ طور پر یہ اعزاز حاصل کر لے گی- اس عمارت کی لمبائی 1 کلومیٹر ہوگی-

سعودی عرب دنیا کا واحد ملک ہے جہاں عورتوں کے ڈرائیونگ کرنے پر پابندی عائد ہے- دلچسپ بات یہ پابندی سرکاری سطح پر تحریر طور پر موجود نہیں ہے لیکن وہاں کی خواتین کو ڈرائیونگ لائسنس جاری نہیں کیا جاتا-

سعودی عرب کی تقریباً نصف آبادی نوجوانوں پر مشتمل ہے- سعودی عرب کی آبادی کا ایک تہائی حصہ 14 سال کی عمر سے بھی کم عمر نوجوانوں پر مشتمل ہے جبکہ آبادی کے 47 فیصد نوجوانوں کی 24 سال سے بھی کم ہیں-

سعودی عرب کی کُل جی ڈی پی کا 45 فیصد حصہ پٹرولیم سیکٹر سے حاصل ہونے والی آمدن پر مشتمل ہے- اور یہ تقریباً 335,372 بلین ڈالر بنتے ہیں-

سعودی عرب اپنے جی ڈی پی کا 3.7 فیصد صحت و تندرستی کے شعبے پر خرچ کرتا ہے اور یہ بجٹ Sierra Leone کی جی ڈی پی سے 4.5 گنا زیادہ ہے- Sierra Leone کی کُل جی ڈی پی 5 بلین ڈالر ہے-

سعودی عرب کا رقبہ بنگلہ دیش سے 14.5 گنا زیادہ ہے جبکہ بنگلہ دیش کی آبادی سعودی عرب سے تقریباً 6 گنا زائد ہے- بنگلہ دیش کی آبادی تقریباً 166,280,712 افراد پر مشتمل ہے جبکہ سعودی عرب کی آبادی 27,345,986 نفوس پر مشتمل ہے-