دنیا کے چھوٹے لیکن انتہائی خوبصورت گاؤں

عموماً گاؤں کسی ایسا مقام کو کہا جاتا ہے جو شہر سے کچھ دور ہو اور وہاں کی انسانی آبادی چند سو افراد سے لے کر چند ہزار افراد پر مشتمل ہو- جب ہم گاؤں کا لفظ سنتے ہیں تو ہمارے ذہن میں سب سے پہلا خیال کسی ایسے مقام کا آتا ہے جہاں کچے پکے گھر ہوں اور ہر طرف ہریالی ہی ہریالی ہو- لیکن دنیا میں چند ایسے گاؤں بھی موجود ہیں جو رقبے کے لحاظ سے تو انتہائی چھوٹے ہیں لیکن ان کا شمار دنیا کے خوبصورت ترین گاؤں میں ہوتا ہے- تاہم ان گاؤں میں کوئی خاص کھیت کھلیان تو موجود نہیں لیکن یہ ایسے مقامات پر واقع ہیں کہ وہاں دیگر اقسام کے متعدد پرکشش قدرتی نظارے ضرور دیکھنے کو ملتے ہیں-
 

Riomaggiore
Riomaggiore اٹلی کا ایک نہایت چھوٹا لیکن انتہائی خوبصورت گاؤں ہے- یہ گاؤں 10 کلومیٹر اسکوائر کے رقبے پر پھیلے ہوا ہے اور 2008 کے اعداد و شمار کے مطابق یہاں کل آبادی 1694 افراد پر مشتمل ہے-

Isola San Giulio
یہ شمال مغربی اٹلی کے علاقے Piedmont میں موجود جھیل اورٹا کے ساتھ واقع ایک جزیرہ ہے جسے Isola San Giulio کے نام سے جانا جاتا ہے- یہ جزیرہ 275 میٹر طویل جبکہ 140 میٹر چوڑا ہے-

Gordes
یہ Gordes نامی گاؤں جنوب مشرقی فرانس میں واقع ہے- اور اس کا شمار فرانس کے خوبصورت ترین گاؤں میں کیا جاتا ہے- یہ گاؤں 48.04 کلومیٹر اسکوائر کے رقبے پر پھیلا ہوا ہے- 2010 کے اعداد و شمار کے مطابق اس گاؤں آبادی 2113 افراد پر مشتمل ہے-

Senja
یہ حسین منظر ناروے کے ایک گاؤں Senja کا ہے- یہ ناروے کا دوسرا بڑا جزیرہ بھی ہے جو کہ 1,586.3 کلومیٹر اسکوائر کے رقبے پر پھیلا ہوا ہے- 2009 کے اعداد و شمار کے مطابق اس مقام کی آبادی 7722 افراد پر مشتمل ہے-

Hallstatt
اس مقام کو Hallstatt کے نام سے جانا جاتا ہے اور یہ آسٹریا میں واقع ہے- یہ گاؤں 23.09 اسکوائر میل کے رقبے پر پھیلا ہوا ہے اور 2014 کی مردم شماری کے مطابق یہاں کی آبادی 788 نفوس پر مشتمل ہے- یہ گاؤں آسٹریا کے Hallstätter نامی دریا کے جنوب مغربی ساحلوں کے ساتھ ملحق ہے-

Piran
جنوب مغربی Slovenia کا یہ جزیرہ نما علاقہ Piran کے نام سے جانا جاتا ہے- یہ سلوینیا کے تین بڑے قصبوں میں سے ایک ہے- یہ گاؤں صرف 0.7 کلومیٹر اسکوائر کے رقبے پر پھیلا ہوا ہے- 2012 کے اعداد و شمار کے مطابق اس گاؤں کی آبادی 4,092 افراد پر مشتمل ہے-

Kastellorizo
یہ دلکش منظر یونان کے Kastellorizo نامی جزیرے کا ہے- یہاں کی کُل آبادی صرف 492 افراد پر مشتمل ہے جبکہ اس کا رقبہ 11.987 کلومیٹر اسکوائر ہے- یہ گاؤں جنوب مشرقی بحیرہ روم کے ساتھ واقع ہے-