آخر آپ کو دیر کیوں ہوجاتی ہے؟ چند وجوہات

خودغرضی٬ لاپرواہی اور غیر ذمہ داری٬ اگر آپ ہر جگہ دیر سے پہنچنے کے عادی ہیں تو لوگ آپ کو ان منفی باتوں سے منسوب کرسکتے ہیں- وقت کا پابند نہ ہونے کا سب سے زیادہ نقصان خود آپ کو ہوتا ہے٬ نہ کہ دوست احباب٬ خاندان والوں یا آپ کے ساتھ کام کرنے والوں کو- لیکن دنیا اس پہلو سے ہرگز نہیں سوچتی-اگر آپ چاہتے ہیں کہ دنیا آپ کو قابلِ اعتماد سمجھے اور آپ کی خصوصیات کی تعریف کرے تو بالکل تاخیر نہ کریں اور مندرجہ ذیل بری عادات سے ابھی جان چھڑائیں-
 

وقت کا بہتر استعمال کریں:
اگر آپ کسی ضروری کام کے لیے وقت سے پہلے پہنچ گئے ہیں تو جو وقت آپ انتظار میں ضائع کرتے ہیں آپ کو چاہیے کہ وہ وقت دفتر یا گھر کے کسی مفید کام میں صرف کریں-

ہر کام آخری منٹ کے لیے نہ چھوڑیں:
اگر آپ کو صبح ساڑھے آٹھ بجے کی بس میں سوار ہونا ہے تو 8:29 کا وقت ایسا نہیں ہے کہ آپ باقی کام نمٹانے لگ جائیں- ہر کام آخری منٹ کے لیے چھوڑنا مناسب نہیں ہے-

وقت کے حصول کے لیے فون پر انحصار:
عموماً ہم اپنے دوستوں کو میسج کرتے ہیں یا مینیجر کو ای میل کرتے ہیں کہ “ میں صرف 5 منٹ ہی تو لیٹ ہوں “٬ یہ سب آپ کے تاخیر سے آنے کو معاف نہیں کرتا-

کیلینڈر کو نظرانداز نہ کریں:
ضروری کام یا میٹنگ پر حیرت کا اظہار کرنے کے بجائے اپنے کاموں کو کیلینڈر کی تاریخ کے لحاظ سے ترتیب دیں- دن کے اختتام پر اپنے کاموں کا جائزہ لیں اور اگلی صبح پہلا کام کونسا کرنا ہے اس کے لیے خود کو تیار کریں-

متحرک ہونے کے لیے مشکلات کا انتظار نہ کریں:
اپنے آپ کو متحرک کرنے کے لیے اس بات کی ضرورت نہیں ہے کہ کسی مشکل وقت کا انتظار کریں- مناسب منصوبہ بندی نہ ہونے کی وجہ سے آپ کبھی بھی مشکل کا شکار ہوسکتے ہیں- اگر آپ وقت پر ہی ضروری کاموں کو کر لیں تو آپ کو کسی اور موقع پر مشکل کا سامنا نہیں کرنا پڑے گا-

بےجا کام کا بوجھ مت اٹھائیں:
حقیقت کا سامنا کریں اور اس بات کا تعین کریں کہ کونسا کام آپ کرسکتے ہیں اور کونسا نہیں- جو کام آپ نہیں کرسکتے انہیں منع کرنے کا حوصلہ پیدا کریں- وعدہ خلافی کرنے سے بہتر ہے کہ اس کام کا وعدہ ہی نہ کریں جو آپ نہیں کرسکتے-

آپ سوتے رہ گئے:
اکثر بہت زیادہ سونے کی وجہ سے آپ کے وقت پر اٹھنے کی صورت میں حاصل ہونے والے مواقع ضائع ہوجاتے ہیں- ایک بہتر صبح کا آغاز ایک رات قبل ہی ہوتا ہے- ایک پرسکون نیند حاصل کے لیے اسمارٹ فون کو دور کر کے پرانی کتاب کو اپنا دوست بنائیے-