سحر انگیز مناظر کے حامل حیرت انگیز مقامات

ہمارا کرہ ارض دلفریب اور خوبصورت مناظر کا حامل ہے- اس پر انگنت ایسے دلکش مقامات اور مناظر موجود ہیں جنہیں بار بار دیکھنے کے باوجود بھی انسان ان کے سحر سے نہیں نکل سکتا- ایسے ہی چند حیرت انگیز مقامات کی ناقابل یقین تصاویر آج ہم اپنے اس آرٹیکل کے ذریعے آپ کی خدمت میں پیش کر رہے ہیں-

انٹارٹیکا کے منجمد جنگلات دنیا کے اختتامی مقامات میں سے ایک ہیں اور اس مقام پر انسان نہیں بستے- اس مقام کی خوبصورتی کو لفظوں میں بیان کرنا انتہائی مشکل کام ہے-

امریکہ کے علاقے اوریگون میں واقع یہ Three Sisters نامی آتش فشاں پہاڑ ہے- اس آتش فشاں سلسلے کا یہ منفرد نام تین مشترکہ چوٹیوں کی وجہ سے ہے- ان میں شمالی چوٹی کو Faith درمیانی کو Hope جبکہ جنوبی چوٹی کو Charity کے نام سے جانا جاتا ہے-

یہ حیرت انگیز منظر آئس لینڈ کے علاقے Goðafoss کا ہے- Goðafoss کا مطلب “ خداؤں کا آبشار“ کے ہیں- یہ آبشار 12 میٹر بلند جبکہ 30 میٹر سے زائد چوڑا ہے-

امریکہ کے وسطی اوریگون میں واقع ان غاروں کو The Devil's Punchbowl کے نام سے جانا جاتا ہے- اس جگہ کی یہ منفرد شکل دو غاروں کے گرنے کی وجہ سے وجود میں آئی- یہ جگہ اپنی سفید ریت اور گہری جامنی رنگ کی گھاس کی وجہ سے انتہائی مقبول ہے-

یہ جھیل کینیڈا کے علاقے البرٹا میں واقع ہے اور اسے ابراہام کے نام سے جانا جاتا ہے- درحقیقت یہ ایک مصنوعی جھیل ہے اور Bighorn ڈیم کی تعمیر کے ساتھ وجود میں آئی- جھیل کے پانی کے نیچے گیس کے غبارے دیکھے جاسکتے ہیں جو کہ برف کے نیچے منجمد ہو کر ایک دلچسپ منظر پیش کر رہے ہیں-

یہ خوبصورت مقام امریکہ کے علاقے نویڈا میں واقع ہے اور اسے Valley of Fire کے نام سے جانا جاتا ہے- ان ریت کی چٹانوں پر چڑھے ان خوبصورت رنگوں کی تاریخ لاکھوں سال پرانی ہے-

یہ نشان زدہ جھیل کینیڈا کے علاقے برٹش کولمبیا میں واقع ہے- جھیل میں موجود ان نشانوں کی بھی ایک دلچسپ کہانی ہے- یہ نشان موسم گرما میں اس وقت ظاہر ہوتے ہیں جب جھیل کا زیادہ تر پانی بلبلوں کی شکل میں اڑ جاتا ہے- اور یہ نشان یہاں پائے جانے والے متعدد معدنی ذخائر کی وجہ سے وجود میں آجاتے ہیں-

لہروں کی شکل میں بنی یہ چٹانیں امریکہ کے علاقے ایریزونا میں پائی جاتی ہیں- یہ چٹانیں انتہائی مقبول ہیں اور ان پر چڑھنے کے لیے کوئی پگڈنڈی یا راستہ نہیں ہے-

یہ حسین منظر پرتگال میں واقع Alentejo نامی ساحل کا ہے- یہ علاقہ اس ملک کا فلورا اور فیونا نامی پودوں کے حوالے سے ایک امیر ترین علاقوں میں سے ایک ہے-

یہ کوئی پینٹنگ نہیں بلکہ چین میں پائی جانے والی پہاڑیوں کا ایک حقیقی منظر ہے جو اپنے مختلف رنگوں کی وجہ سے دنیا بھر میں انتہائی مقبول ہے- یہ مقام چین کے صوبے Gansu میں واقع ہے- ان پہاڑیوں کی تاریخ 24 ملین سال پرانی ہے-

< Previous دلفریب مقامات٬ موقع ملے تو ضرور جائیں NEXT > دنیا کی خوبصورت ترین شاہراہیں