ہماری چند عادات ہمیں مسلسل موت کی جانب لے کر جارہی ہوتی
ہیں جبکہ ہم ان کے نقصانات سے بالکل بے خبر ہوتے ہیں- انسانی زندگی میں
عادات کی شکل اختیار کرنے والے یہ چند طریقے ہمیں ایسی بیماریوں میں مبتلا
کردیتے ہیں جو تیزی سے موت کی جانب لے جاتی ہیں-
موبائل فون کی تکیے نیچے موجودگی
لوگوں کی ایک بڑی تعداد موبائل فون اپنے پاس رکھ کر سونے کی عادی ہے جن میں
سے بیشتر کا مقصد موبائل کو الارم کے طور پر پاس رکھ کر سونا ہے- لیکن
ماہرین لوگوں کی اس عادت کو انتہائی خطرناک قرار دیتے ہوئے کہتے ہیں کہ سر
اور موبائل فون میں کم فاصلہ نیند کے دورانیے اور اس کے معیار پر اثر انداز
ہوتا ہے- ماہرین کا کہنا ہے کہ موبائل فون کی شعائیں آنکھوں کے پردوں اور
دماغ کے لیے نقصان دہ ہیں- اس لیے سوتے وقت موبائل فون کم سے کم 20 سینٹی
میٹر کی دوری پر ہونا چاہیے- |
|
کمر اور کرسی کا درمیانی فاصلہ
آج کل ہر دوسرا فرد کمر درد میں مبتلا دکھائی دیتا ہے جس کی بنیادی وجہ
کرسی پر بیٹھ کر طویل وقت تک کمپیوٹر٬ ٹیبلٹ یا پھر لیپ ٹاپ کا استعمال ہے-
اکثریت مریضوں کے کمر درد کا سبب یہی آلات ہیں- جب بھی کرسی پر بیٹھیں تو
اپنی کمر کو اچھی طرح سیٹ کے ساتھ پیچھے کی جانب ملا لیں-
|
|
جلدی صحت کے معاملے میں لاپرواہی
جلد کی حفاظت انتہائی ضروری امر ہے لیکن ہم میں سے اکثر افراد اس معاملے
میں انتہائی غیر سنجیدہ رویہ اپناتے ہیں- اپنی جلد کا لازمی خیال رکھیں خاص
طور پر وہ حصے جو کھلے ہوتے ہیں مثلاً گردن٬ ہاتھ٬ پاؤں اور چہرہ وغیر- ان
حصوں پر لازمی ایسے لوشن استعمال کیے جائیں جو سورج کی شعاعوں سے محفوظ
رکھتے ہیں- کیونکہ کبھی کبھی یہی حصے جلدی کینسر کا سبب بھی بنتے ہیں- |
|