|
آپ نے سوئمنگ پول تو بہت دیکھے ہوں گے اور متعدد میں
تیراکی بھی کی ہوگی لیکن ہم آپ کو دنیا کے سب سے خوفناک سوئمنگ
پول کے بارے میں بتائیں گے جس کے بارے میں یقیناً آپ نے پہلے کبھی نہیں سنا
ہوگا-
دنیا کا سب سے خوفناک سوئمنگ پول ایڈنبرگ یونیورسٹی میں بنایا گیا ہے اور
اس سوئمنگ پول میں میں 9 منزلہ عمارت کی بلندی جتنی لہری اٹھتی ہیں اور
بہاؤ اولمپک سوئمر سے چار گنا زیادہ تیز ہے-
|
|
|
|
اس سوئمنگ پول کی تیاری کا مقصد تیراکی نہیں بلکہ ویوٹربیونز کی نئی
ٹیکنالوجی کی آزمائش کرنا ہے- لیکن اگر کوئی اس میں تیراکی کرنے کوشش کرے
بھی تو وہ اس کی لہروں کے بہاؤ اور ان کی بلندی کا مقابلہ نہیں کرسکتا-
اس سوئمنگ پول کو ریسرچ سینٹر میں مختلف بحری تجربات کے لیے بنایا گیا ہے-
اس سوئمنگ پول کا قطر 82 فٹ ( 25 میٹر ) ہے اور گہرائی 6.6 فٹ ( دو میٹر )
ہے جبکہ سوئمنگ پول میں اٹھنے والی لہروں کی بلندی 92 فٹ ( 28 میٹر ) تک
ہوتی ہے-
|
|
|
اس سوئمنگ پول کی تیاری پر 16.3 ملین ڈالر کی لاگت آئی ہے اور سائنسدانوں
کو امید ہے کہ یہ سوئمنگ پول بحری توانائی کی ٹیکنالوجی کو جانچنے اور اسے
ترقی دینے میں مددگار ثابت ہوگا- |