بھارتی لڑکی جو 25 سال سے کھائے بغیر زندہ ہے

غذا انسان کی بنیادی ضروریات میں سے ایک ہے اور وہ اس کے بغیر زندہ رہ بھی نہیں سکتا اور صحت بخش غذا ہی اسے تندرست و توانا بھی بناتی ہے مگر بھارت میں ایک لڑکی ایسی بھی ہے جو گزشتہ 25 سال سے ٹھوس غذا کھائے بغیر پانی اور دودھ پر زندہ ہے-

بھارتی دارالحکومت نئی دہلی کے قریبی علاقے سونی پت سے تعلق رکھنے والی 25 سالہ منجو دیہرا کو پیدائشی طور پر ایکیلزیا ( achalasia ) نام کی ایک بیماری لاحق ہے جس کی وجہ سے وہ ٹھوس غذا نہیں نگلنے سے قاصر ہے-
 

طبی ماہرین کے مطابق ہے کہ ایکلیزیا نامی مرض کے شکار مریض کی خوراک کی نالی بند ہونے کے باعث کوئی ٹھوس چیز معدے تک نہیں پہنچ سکتی-

اس انوکھی نوعیت کے مرض میں مبتلا مریض اگر کوئی ٹھوس غذا کھانے کی کوشش کرے بھی تو اس کا نتیجہ یہ نکلتا ہے کہ خوراک معدے میں پہنچنے سے قبل ہی قے ہو جاتی ہے-

یہ بیماری زندگی کے کسی بھی حصے میں لاحق ہوسکتی ہے اور یہ آہستہ آہستہ پھیلتی ہے٬ ماہرین نے اس کے علاج کے لیے کچھ طریقے اور ادویات تیار کی ہیں٬ البتہ اس کا کوئی مؤثر علاج آج تک سامنے نہیں آسکا-

ماہرین کے مطابق اس بیماری کی وجہ اب تک معلوم نہیں ہوسکی لیکن سے وائرل انفیکشن کے ساتھ منسلک کیا جاتا ہے-

بھارتی دوشیزہ منجو کی والدہ کا کہنا ہے کہ دو سال کی عمر میں اس نے جب بیٹی کو چاول اور روٹی کھلانے کی کوشش کی تو وہ فوراً قے کردیتی٬ شروع میں وہ بیماری کی نوعیت کا ادراک نہیں کرسکے لیکن بعد میں پتہ چلا کہ اسے ایکلیزیا کی بیماری لاحق ہے-