|
دنیا بھر کے قیدیوں کی خواہش ہوتی ہے کہ وہ جلدی سے اپنی
سزا پوری کر کے آزاد ہوجائیں،ایسے ہی قیدیوں کے لئے برازیل میں ایک منفرد
پیشکش کی جارہی ہے۔
جیو نیوز کی رپورٹ کے مطابق برازیل کی ایک جیل میں قیدیوں نے سوئیٹرز بننا
شروع کر دیے جس کے بدلے میں ان کی سزا میں کمی کی جارہی ہے۔
|
|
|
|
قیدی یہ کام ایک مقامی فیشن ڈیزائنر کیلئے کر رہے ہیں جس میں انہیں تین دن
سوئیٹر بننے کے عوض ایک دن کی قیدمیں کمی کے ساتھ ساتھ 250 ڈالر ماہانہ
اجرت بھی مل رہی ہے جو برازیل میں کم سے کم ملنے والی مزدوری کا 75 فیصد ہے۔
ہاتھ میں سلائیاں لئے پوری مہارت سے اس کام میں مگن ان قیدیوں کو دیکھ کر
ایسا لگتا ہے جیسے یہ جیل کے بجائے کوئی ٹیلر شاپ ہو۔
اس حوالے سے قیدیوں کا رد عمل بھی خاصا خوشگوار ہے جن کا کہنا ہے کہ وہ اس
کام کے ذریعے سزا میں کمی اور پیسے کمانے کیساتھ ساتھ اپنی شخصیت اور سوچ
میں مثبت تبدیلی محسوس کرنے لگے ہیں۔
|