Nojawan Jaag Chuka
(Humera Shoaib, Islamabad)
Intekhabat Jun Jun Qareeb Arahe
Hain Dar Barhta Jar Aha Hai Ye Soch Kar K Agle Panch Saal K Liye Hamara Mulk Hum
Khud He Kin Hathon Mai Sonpainge Kya Hum Ab Bhe Hosh Se Kam Lainge Ya Hamesha Ki
Tarha Naron Se Mutasir Ho K Aik Thela Atay Ka Le K Unhe Hathon Bik Jayenge Jo
Gidh Ki Tarha Pichle Panch Saal Se Hmara Gosht Noch Noch K Kha Gaye Hain .
Hamare Mulk Ke Halat Ko Agar Dekha Jaye To Is Ko Bigarne Wale Hum Khud He Hain
.Hum He Aise Logon Ko Bar Bar Haq E Hukmarani Dete Hain Jo Pehle Se Hamare
Azmaye Hue Hain.Wo Jhoote Waday Karte Hain Or Hum Un Pe Aitbar Kar K Unhe Loot
Maar K Mawaqe Bar Bar Dete Jate Hain.Wo Hamain Bewaqoof Banate Jate Hain Or Hum
Bante Jate Hain.
Lakin Ab Wo Panch Saal Purana Waqt Nahin Raha Kyun K Ab Pakistani Nojawan Ko
Shaoor Achuka Hai Wo Jag Chuka Hai Or Baqol Iqbal K ,
“Uqabi Rooh Jab Bedar Hoti Hai Jawanon Main
Nazar Ati Hai Unko Apni Manzil Asmanon Main
Unhon Ne Asmanon Main Urna Seekh Liya Hai Ab Wo Zameen Pe Reengne Wale Keere
Makore Nahin Jinhe Koi B Hukmaran Apne Paon Talay Masal Dega.Ab Wo Apna Haq Lena
Jan Chuka Hai Yahe Nojawan Isay Aik Naya Or Behtar Pakistan Banayenge Or Ye Tab
Hoga Jab Unhe Aik Rahnuma Aik Mukhlis Leader Muyassar Hoga Or Anay Wale
Intakhabat Main Agar In Nojawanon Ne Apne Vote Ka Sahe Istemal Kiya Or Ache Or
Mukhlis Logon Ka Intekhab Kiya To Taraqi Un K Qadam Choomegee Warna Pachtawon K
Siwa Kuch Baqi Nahin Rahega.Insanon Ko Nahin Bus Mulk Ko Muqaddam Rakhain.Vote
Dalo Or Badlo Pakistan.