|
|
| |
| ہم میں سے کئی لوگ جانتے ہیں کہ فالج ایک جان لیوا مرض
ہے۔ لیکن چند ہی اس بات سے آگاہ ہوں گے کہ فالج کا خطرہ عمر کے کسی بھی حصے
سے تعلق رکھنے والے افراد کو ہوسکتا ہے۔ سینٹر برائے ڈیزیز کنٹرول اینڈ
پریوینشن کے مطابق امریکہ میں ہر چالیس سیکنڈ میں ایک شخص فالج کے حملے کا
شکار ہوتا ہے اور تقریبا ساڑھے تین منٹ کے دوران ان افراد میں سے کسی ایک
کی موت واقع ہوجاتی ہے۔ |
| |
| فالج کیا
ہوتا ہے؟ |
| طبی اصطلاح میں فالج دماغ میں موجود نالی کی
بندش یا کوئی رگ پھٹنے اور خون اکٹھا ہونے کے باعث ہوتا ہے جس سے باقی
خلیوں کو آکسیجن نہیں ملتی۔ |
|
|
|
فالج سے کیسے بچا جا سکتا ہے؟ |
|
فالج کو جتنا جلد پکڑ لیا جائے اتنا ہی اس کا علاج زیادہ مؤثر طریقے سے کیا جاسکتا
ہے اور دماغ کو ہونے والا نقصان اتنا ہی کم ہوتا ہے۔ طبی ماہرین کے مطابق اگر آپ
چند ایک نشانیاں کسی بھی فرد میں دیکھیں یا خدانخواستہ خود اپنے اندر محسوس کریں تو
فورا ڈاکٹر سے رجوع کریں۔ |
|
|
|
شدید سر درد |
|
شدید سر درد فالج کی علامات میں سے ایک ہے۔ ماہر امراض قلب سنجیوو پٹیل کے مطابق سر
درد دماغ میں کسی رگ سے خون رسنے کے نتیجے میں بھی ہوسکتا ہے۔ اگر سر درد شدت پکڑ
رہا ہو اور کسی صورت کم نہ ہو تو فورا ڈاکٹر سے رجوع کریں۔ |
|
|
|
|
| |
| سانس لینے میں دشواری |
| سینے میں درد ہونا صرف ہارٹ اٹیک نہیں بلکہ فالج کہ
علامت بھی ہے۔ اگر مسلسل سانس کی کمی اور سینے میں درد محسوس ہو تو طبی
امداد حاصل کریں۔ |
| |
| جسم کا سن ہو جانا یا
ایک جانب سے چہرے کا ڈھلک جانا |
| اگر یک دم آپ کے جسم کا ایک حصہ سن ہو جائے یا
بلکل حرکت کرنے سے قاصر رہے تو بنا کسی انتظار کے ڈاکٹر سے رجوع
کریں۔امریکن اسٹروک ایسوسی ایشن کے مطابق جسم کے ایک حصے کا سست پڑنا یا سن
ہوجانا ایک واضح علامت ہے۔ اسی طرح اگر آپ چہرے میں ایک جانب جھکاؤ محسوس
کریں یا بات کرنے میں دقت ہو تو اسے بھی فالج کی علامات میں سے ایک کہا گیا
ہے۔ ماہرین کے مطابق آپ کے چہرے سے جڑی نسوں میں خون کی روانی متاثر ہونے
کے سبب اس طرح ایک جانب سے چہرا ڈھلک جاتا ہے۔ جس کے لیے فوری طبی مدد حاصل
کرنی چاہیے۔ |
| |
| ایک یا دونوں
آنکھوں سے دیکھنے میں دشواری ہونا |
| فالج کی ایک علامت نظر کا کمزور ہونا بھی ہے۔
کچھ حالات میں یا تو نظر کی صلاحیت کسی حد تک کم ہوتی ہے جبکہ بعض حالات
میں مکمل طور پر مریض بینائی کھو دیتا ہے۔ اگر آپ دیکھنے میں دھندلاپن
محسوس کریں تو اپنے ڈاکٹر سے رجوع کریں۔ |
| |
| کھانا
نگلنے میں دشواری یا قے ہونا |
| ڈسفیجیا اس حالت کو کہا جاتا ہے جب آپ کو کھانا
نگلنے میں دشواری ہو۔ اور یہ فالج کی علامات میں سے ایک ہے کیونکہ اسی
دوران آپ کی دماغ کی نسیں اپنا کنٹرول کھو دیتی ہیں اور کھانا کس طرح چبانا
ہے یا نگلنا ہے اس عمل کو انجام دینے سے قاصر ہوجاتی ہیں۔ |
| |
|
|
| |
| فالج کی دیگر
علامات یہ ہیں: |
| - باتیں بھول جانا یا سمجھنے میں دقت ہونا |
| - جسمانی توازن برقرار رکھنا مشکل ہونا |
| - چلنے میں لڑکھڑاہٹ محسوس کرنا |
| - مسلسل ہچکی آنا |
| - ذہنی تناؤ اور برتاؤ میں تبدیلی |
| |
| ان میں سے کوئی ایک یا ساری علامات کے
ظاہر ہوتے ہی اگر فوری طور پر طبی امداد کے لیے رجوع کیا جائے تو آپ اپنی
یا کسی فرد کی زندگی بچا سکتے ہیں۔ |