|
|
اگرچہ آج کے جدید دور میں تقریباً ہر مرض کی دوا موجود
ہے- لیکن بعض اوقات روزمرہ کے مسائل کے دوران ہمیں دباؤ یا مختلف اقسام کے
درد سے فوری نجات کی ضرورت ہوتی ہے جبکہ ہمیں ایسے دواؤں عدم موجودگی کا
بھی سامنا ہوتا ہے۔ لیکن حقیقت یہ ہے کہ ہمارے روزمرہ کے مسائل کا حل اکثر
ہمارے سامنے ہوتا ہے اور ہم 5 منٹ سے بھی کم وقت میں کسی بھی درد کو ٹھیک
کرنے یا تناؤ کو دور کرنے کے لیے کچھ نہ کچھ کر سکتے ہیں۔ چند ایسے ہی حل
ہمارے آج کے اس آرٹیکل میں بھی موجود ہیں- |
|
متاثرہ جگہ پر برف کا
استعمال |
آپ کے جسم کے کسی بھی حصے میں ہونے والے درد کے علاج میں
مدد کرنے کے لیے برف کا استعمال سب سے قدیم اور مؤثر ترین طریقوں میں سے
ایک ہے۔ یہ شدید چوٹوں کے ساتھ ساتھ کسی بھی سوزش اور سوجن سے نمٹنے میں
مددگار ثابت ہو سکتا ہے۔ آپ متاثرہ جگہ پر برف لگا سکتے ہیں یا پھر آئس پیک
کا استعمال بھی کرسکتے ہیں- |
|
|
بھنوؤں کے درمیان مساج |
پریشر پوائنٹس ہر قسم کے درد اور تناؤ سے عارضی سکون
حاصل کرنے کا ایک معروف طریقہ ہے اور ان میں سے ایک ہماری بھنوؤں کے درمیان
ہوتا ہے جسے ہال آف امپریشن پوائنٹ کہا جاتا ہے۔ اس جگہ پر دباؤ ڈالنا یا
مساج کرنا آپ کے جسم سے تناؤ اور اضطراب کو دور کرنے کا ایک بہترین طریقہ
ہے۔ |
|
|
کان کا مساج |
ایک اور پریشر پوائنٹ جو جسم سے تناؤ اور اضطراب کو دور
کرنے کے لیے متحرک ہو سکتا ہے آپ کے کان میں واقع ہے۔ اپنے کان کی مالش
کرنے اور اس مقام پر ہلکا دباؤ دینے سے تناؤ سے نمٹنے میں مدد ملے گی۔ |
|
|
کان کا درد |
کان کا درد انتہائی تکلیف دہ ثابت
ہوتا ہے جسے برداشت کرنا انتہائی مشکل کام ہوتا ہے- لیکن اس کا ایک آسان حل
بھی موجود ہے- جب یہ شکایت پیدا ہو تو ادرک کا رس (گرم زیتون کے تیل میں
ادرک کے ٹکڑے کاٹ کر ڈالیں اور اس کو 5 منٹ کے لئے پکائیں، پھر نیم گرم
ہونے پر اس کو چھان لیں)۔ اس تیل کو کان کی بیرونی نالی کے ارد گرد لگانے
سے درد میں آرام آسکتا ہے۔ خیال رہے کہ اس تیل سے کان کے صرف بیرونی حصوں
کی مالش کرنی ہے- ادرک میں سوزش دور کرنے کی خصوصیات ہوتی ہیں جو کان کے
درد کو دور کرنے میں مدد دیتی ہیں۔ |
|
|
زبان پر نمک
رکھیے |
اگر آپ اپنی پریشانی کو کم کرنے کا کوئی فوری
اور آسان طریقہ چاہتے ہیں تو اپنی زبان پر نمک ڈالیں۔ یہ چھوٹا سا طریقہ آپ
کی پریشانی سے آپ کی توجہ ہٹا سکتا ہے اور آپ کے حواس کو مصروف کر کے آپ کو
پرسکون کر سکتا ہے۔ لیکن یہ آپ کو پیاسا بھی بنا سکتا ہے جو آپ کو پانی
پینے پر مجبور کر دے گا۔ |
|