جلدی بڑھاپا آسکتا ہے۔۔۔ اگر آپ بھی سونے سے پہلے فون استعمال کرتے ہیں تو پھر 4 نقصانات کے لیے تیار رہیں

بیشتر لوگ وقت پر سونے کے بجائے اکثر بستر پر لیٹ کر گھنٹوں فون استعمال کرتے ہیں لیکن اس عادت کا آپ کی صحت پر کیا اثر ہوسکتا اور سونے سے پہلے فون کا استعمال آپ کو کیا کیا نقصان پہنچا سکتا ہے آیئے آپ کو بتاتے ہیں۔

1۔ آنکھوں میں تکلیف

اگر آپ کو کبھی ایسا محسوس ہوتا ہے کہ فون استعمال کرتے وقت آپ کو دھندلا نظر آرہا ہے تو آپ یقینی طور پر اکیلے نہیں ہیں بلکہ یہ کئی لوگوں کے ساتھ ہوتا ہے کیونکہ جب آپ اپنے اسمارٹ فون کا استعمال کرتے ہوئے تناؤ کا شکار ہوتے ہیں تو یہ آنکھوں میں دباؤ کا باعث بن سکتا ہے، اس لئے اپنی آنکھوں کی حفاظت کے لیے اسکرین کی روشنی کو کم کرنے کی کوشش کریں اور اپنے فون کو زیادہ دیر تک استعمال کرنے سے گریز کریں۔

2۔ نیند میں خلل

جب آپ ایک طویل دن کے اختتام پر بستر پر جاتے ہیں تو اکثر فون پر دن بھر کے پیغامات اور دوسری چیزیں دیکھنے کیلئے فون استعمال کرنا پسند کرتے ہیں تو یہ عادت اتنی بے ضرر نہیں ہے جتنی کہ نظر آتی ہے اور سونے کے وقت اپنے فون کا استعمال آپ کو اچھی رات کی نیند لینے سے روک سکتا ہے۔ آپ کے اسمارٹ فون سے نکلنے والی روشنی نہ صرف آپ کی بصارت کو متاثر کرتی ہے بلکہ یہ آپ کی نیند میں بھی خلل ڈال سکتی ہے جس کے نتیجے میں صحت کی پیچیدگیاں پیدا ہو سکتی ہیں۔

3۔ گردن میں درد

اگر آپ گردن کے درد کا شکار ہیں تو بستر پر فون کا استعمال آپ کی تکلیف میں اضافہ کرسکتا ہے کیونکہ جب آپ اسکرین پر دیکھنے کے لیے اپنا سر آگے کی طرف جھکاتے ہیں تو آپ کی گردن کے پٹھوں پر دباؤ پڑتا ہے جس سے درد ہوتا ہے۔ اگر آپ اپنے فون کو چیک کیے بغیر بستر پر جانے کا تصور نہیں کر سکتے ہیں تو اسے آنکھوں کی سطح پر رکھنے کی کوشش کریں تاکہ پٹھوں میں تناؤ پیدا نہ ہو۔

4۔ چہرے پر جھریاں اور بڑھاپا

ہو سکتا ہے کہ آپ مہنگی اسکن کیئر کریم پر بہت پیسہ خرچ کر رہے ہوں لیکن بستر پر آپ کے فون کے استعمال جیسی آسان چیز آپ کی تمام کوششوں کو سبوتاژ کر سکتی ہے۔ جب آپ اپنے فون کو نیچے دیکھتے ہیں تو اس کی شعاؤں سے آپ کی گردن پر لکیریں اور کریزیں بن جاتی ہیںجس کے نتیجے میں آپ وقت سے پہلے بوڑھے نظر آتے ہیں۔

< Previous روزانہ نہانے والے ہوجائیں ہوشیار! فائدے کے بجائے یہ کام انہیں کیا نقصان پہنچا سکتا ہے؟NEXT > منہ میں زبان رکھنے کا انداز آپ کی صحت کے لیے خطرناک بھی ہو سکتا ہے؟

Comments

25 Jun, 2022

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.