|
|
سلمان روز باقاعدگی سے ورزش کرتا لیکن کڑی محنت کرنے کے
بعد بھی اس کا وزن مسلسل بڑھتا جارہا تھا جس نے سلمان کی تشویش میں اضافہ
کردیا تھا اور اس نے اپنی ورزش کے اوقات بھی بڑھا دیئے- لیکن نتیجہ وہی
ڈھاک کے تین پات۔سلمان سمجھنے سے قاصر تھا کہ آخر کیا وجہ ہے کہ باقاعدہ
ورزش کے باوجود اس کا وزن کم نہیں ہورہا اور اس کو فائدہ ہونے کے بجائے
نقصان ہورہا ہے۔آئیے دیکھتے ہیں کہ ورزش کے بعد کون کون سے کھانے آپ کو
نقصان پہنچاسکتے ہیں۔ |
|
کاربوہائیڈریٹ |
جب ورزش کے بعد کی غذائیت کی طرف آتے ہیں تو اس میں
کاربوہائیڈریٹ کا خیال رکھنا بہت ضروری ہے اور زیادہ گندم کے بجائے پھلیوں
اور سبزیوں کے ساتھ روٹی کا استعمال کیا جائے تو زیادہ فائدہ مند ہوسکتا ہے۔ |
|
|
مشروبات |
ورزش کے بعد اکثر لوگ کھلاڑیوں کیلئے بنے مشروبات کا
استعمال کرنا پسند کرتے ہیں لیکن شوگر اور کیمیکل سے بھرے مشروبات اور دودھ
سوڈا یا ملک شیک آپ کو زیادہ فائدہ نہیں دے سکتا بلکہ اگر آپ ناریل کا
پانی استعمال کرکے بہتر نتائج حاصل کرسکتے ہیں۔ |
|
|
نمکین کھانا |
ورزش کے بعد اکثر لوگ آلو کے خستہ اور کرارے چپس کی طرف
بھاگتے ہیں کیونکہ جب آپ کو پسینہ آتا ہے تو جسم سے پانی اور پوٹاشیم
خارج ہوجاتا ہے- لیکن یہ چپس آپ کی صحت کیلئے نقصان دہ ہوسکتے ہیں تاہم
اگر آپ ورزش سے پہلے کیلا کھائیں تو آپ کو فائدہ ہوسکتا ہے۔ |
|
|
کیفین |
کچھ لوگ ورزش سے پہلے کافی یا چائے کا انتخاب
کرتے ہیں اور یہ بالکل ٹھیک ہے۔ درحقیقت یہ کارکردگی کو بڑھا سکتا ہے اور
خاص طور پر صبح کے وقت بہت ضروری توانائی کو فروغ دے سکتا ہے۔ تاہم ورزش کے
بعد کیفین کا استعمال نقصان دہ ہوسکتا ہے۔ یہ جسم میں پانی کی کمی کرتا ہے
اور تناؤ بڑھا دیتا ہے۔ |
|
|
سوڈا |
ورزش کے بعد پیاس لگنا معمول کی بات ہے لیکن
اگر یہاں آپ میٹھے مشروب یا سوڈا کا استعمال کرتے ہیں تو یہ آپ کے جسم کو
پھلائے اور جسم میں پانی کی کمی پیدا کرے گا اس لئے اگر آپ کو ورزش کے بعد
سوڈا پینے کے بجائے سادہ پانی استعمال کرنے کی کوشش کرنی چاہیے۔ |
|
|
میٹھا |
ورزش کے دوران زیادہ مشقت کی وجہ سے آپ کے جسم میں تھکاوٹ کا احساس بڑھ
جاتا ہے اور آپ جسم میں شوگر کی کمی کو پورا کرنے کیلئے کیک یا دوسری
میٹھی چیز کھانا پسند کرتے ہیں تو یہ آپ کو فوری تو لذت دے سکتی ہیں لیکن
زیادہ مقدار میں میٹھا کھانا آپ کی صحت کیلئے نقصان دہ ثابت ہوسکتا ہے۔ |
|
|
زیادہ فائبر والی غذائیں |
ورزش کے بعد زیادہ فائبر والی غذائی بھی آپ کے جسم میں نقصان دہ اثرات کا
سبب بن سکتی ہیں ، بہتر یہ ہے کہ ایسی غذاؤں کا استعمال ورزش کے بعد نہ
کیا جائے تاہم عام اوقات میں فائبر والی غذاء استعمال کی جاسکتی ہے۔ |
|
|
مصالحہ دار کھانے |
ہمارے کھانوں میں اکثر تیل اور مصالحوں کا استعمال کثرت سے کیا جاتا ہے
لیکن ورزش کے بعد مصالحہ دار کھانے آپ کے نظام انہضام کو متاثر کرسکتے ہیں
اس لئے آپ مصالحہ دار کھانوں سے پرہیز کئے بغیر ورزش کے نتائج حاصل نہیں
کرسکتے۔ |
|
|
بھاری پروٹین |
ورزش کرنے کے بعد اکثر لوگوں کو بھوک کا احساس بڑھ جاتا ہے اور وہ بھاری
غذاء کی طرف راغب ہوتے ہیں لیکن اگر آپ ایسے میں گوشت کا انتخاب کرتے ہیں
تو آپ اپنی ورزش اور ساری محنت ضائع کرسکتے ہیں لیکن اگر آپ کو بھوک ہے
تو چاول یا ہلکی غذاء کا استعمال زیادہ بہتر ہے۔ |
|
|
تلی ہوئی خوراک |
آپ جہاں ورزش کر کے اپنی جسم کو فٹ بنانے کی کوشش کرتے ہیں وہیں تلی ہوئی
اشیاء آپ کی محنت پر پانی پھیرنے کے ساتھ آپ کو نقصان پہنچانے کا سبب
بنتی ہیں۔اگر آپ بھی تلی ہوئی اشیاء استعمال کرنے کے عادی ہیں تویہ عادت
فوری ختم یا کم کردیں کیونکہیہ آپ کو ہاضمے کی خرابی، چربی اور مختلف
امراض کے علاوہ کچھ نہیں دے سکتیں۔ |
|