|
|
| |
| دور حاضر میں بڑھتی ہوئی مہنگائی اور بیماریوں نے انسان
کر ایک عجیب کشمکش میں ڈال دیا ہے۔۔۔ دواؤں کی جھنجھٹ میں اگر پڑیں تو جیب
بھی خالی اور منہ کا مزہ بھی ختم۔۔۔ایسی صورت میں صدیوں سے چلے آرہے کچھ
ایسے علاج ہیں جنہیں ایک دور میں حکیم باقاعدہ علاج ہی تصور کرتے تھے اور
یہ وہ عمل ہیں جو بادشاہ اور حکمران بھی آزماتے تھے۔۔۔ان میں صف اول پر ہیں
غرارے کرنا۔۔زیادہ تر لوگ نیم گرم پانی میں نمک ملا کر غرارے کرتے ہیں لیکن
غرارے لونگ کے پانی سے، ڈسپرین سے بھی کرتے ہیں۔۔۔نمک کے پانی کے غراروں کے
فوائد بے شمار ہیں تحقیق نے ثابت کیا ہے کہ نمک کے پانی سے غرارے کرنا صحت
کے لئے سب سے آزمودہ اور بہترین ذریعہ ہے۔۔۔نمک بہت سارے وائرس اور
بیکٹیریا کی روک تھام کرکے منہ کو انفیکشن اور بیماریوں سے بچاتا ہے۔ |
| |
| گلے کے درد کے لئے |
| زمانوں سے یہ نسخہ سب سے آزمودہ ہے کہ گلے میں درد ہوتے
ہی ڈاکٹر کے پاس بھی جانے سے پہلے صبح شام نمک کے پانی سے غرارے لازم
ہوجاتے ہیں۔۔۔ذرا سی بھی ٹھنڈ محسوس ہو یا ہلکا سا بھی درد اور کھانسی تو
یہ سب سے آسان اور سستا علاج ہے- |
|
|
| |
| مختلف الرجی کے لئے |
| گلے میں یا ناک میں جب خاص قسم کی الرجی کی وجہ سے نزلہ
اور درد محسوس ہو۔۔۔اپنے پالتو جانور کے ساتھ رہتے ہوئے بھی مختلف قسم کی
الرجی لگ جاتی ہیں تو اس وقت فوری طور پر نمک کے نیم گرم پانی سے غرارے
کرنا بے حد مفید ہے۔۔۔ |
|
|
| |
| دانتوں کی صحت کے لئے |
| نمک کا پانی منہ میں موجود مختلف قسم کے ان بیکٹیریا سے
بھی جنگ لڑتا ہے جو مسوڑھوں میں درد اور جراثیم پیدا کرتے ہیں۔۔۔جب آپ اسے
اپنے روز مرہ کے معمول میں شامل کرلیں گے تو دانتوں کی صحت بھی بہتر ہونا
شروع ہوجائے گی۔۔۔کیویٹی بھی پیدا نہیں ہوتی اور منہ کی بدبو بھی دور
ہوجاتی ہے |
|
|
|
|
|
کن لوگوں کو زیادہ نہیں کرنا چاہئیں |
|
وہ تمام لوگ جنہیں بلڈ پریشر کے مسائل ہیں اسے روز نا کریں اور وہ
لوگ جن کے منہ میں خشکی ہوجاتی ہے وہ اس بات کا خیال رکھیں کہ نمک ان کے
منہ کو اور خشک کرسکتا ہے- |
|
|