|
|
| |
| ہمارا جسم ایک بہت پیچیدہ نظام رکھتا ہے، جہاں ہر چیز
کسی نہ کسی طریقے سے ایک دوسرے سے جڑی ہوتی ہے۔ اور یہی وجہ ہے کہ جب کوئی
چیز جیسا ہونا چاہیے ویسی نہیں ہوتی، تو یہ جسم کے دوسرے حصوں کو انتباہی
نشان کے طور پر پیغامات بھیجتی ہے اور علامت کی صورت میں ظاہر ہوتی ہے۔ یہ
ہمارے علم میں ہونا چاہیے کہ ہم ان علامات کو پہچان سکیں اور اس بات کو جان
سکیں کہ ہم کسی بیماری کا شکار بن رہے ہیں۔ |
| |
| منہ اور زبان پر السر |
| ان السر کے ظاہر ہونے کی عام وجوہات میں تمباکو نوشی٬
الرجی٬ حادثاتی طور پر زبان کاٹ لینا اور سوزش شامل ہیں- لیکن اگر مندرجہ
بالا وجوہات میں سے آپ کسی بھی وجہ کا شکار نہیں ہیں تو یہ سب وٹامن بی 12
یا آئرن یا پھر فولیٹ کی کمی کی وجہ سے بھی ہوسکتا ہے- جسم میں ان چیزوں کی
کمی راتوں رات نہیں ہوتی بلکہ آپ طویل عرصے سے ان کا شکار بن رہے ہوتے ہیں-
اگر یہ سب دیکھیں تو اپنے خوراک میں وہ چیزیں لازمی شامل کریں جو ان کو
کمیوں کو پورا کر سکیں بصورت دیگر آپ کئی دوسرے امراض کا شکار بن سکتے ہیں- |
|
|
| |
| ناخنوں پر سفید دھبے |
| عام طور پر ناخنوں کا ٹوٹنا یا ان پر سفید دھبے جسم میں
پانی کی کمی اور آئرن کی کمی کی وجہ سے ہوتے ہیں- لیکن اگر آئرن کی کمی کا
بروقت علاج نہ کیا جائے تو خون کی کمی بھی واقع ہوسکتی ہے جو کہ صحت کے
متعدد مسائل جیسے سینے میں درد کا باعث بھی بن سکتی ہے- اس کے علاوہ برے
ناخنوں کے اسباب میں گردوں اور پھیپھڑوں کی بیماری بھی شامل ہے- اس لیے
اپنی خوراک میں ایسی غذاؤں کو شامل کریں جو آئرن سے بھرپور ہوں- |
|
|
| |
| ایڑیوں کا پھٹنا |
| عموماً ایڑیاں خشک جلد٬ سرد موسم یا پھر روزانہ کئی
گھنٹوں تک کھڑے رہنے کی وجہ سے پھٹتی ہیں- تاہم یہ چند سنگین نوعیت کی
بیماریوں کی جانب اشارہ بھی ہوسکتا ہے جیسے کہ ایگزیما اور ذیابیطیس وغیرہ-
آپ اپنی ایڑیوں کو صابن والے پانی میں 20 منٹ تک بھگو کر اور پومیس پتھر سے
رگڑ کر ان کا علاج کر سکتے ہیں۔ پھر آپ کو ایک خاص موئسچرائزر لگانے کی
ضرورت ہوگی جس میں لیکٹک ایسڈ، جوجوبا آئل، یا شیا بٹر شامل ہو۔ لیکن اگر
اس سب کے بعد بھی ایڑیوں میں بہتری نہیں آتی تو آپ کو لازمی ڈاکٹر سے رابطہ
کرنا چاہیے- |
|
|
|
|
|
ناک، گال اور پیشانی کے اردگرد لالی |
|
Rosacea ان جگہوں کے ارد گرد سرخی کی ایک اہم وجہ ہے، اور یہ صرف امریکہ
میں تقریباً 14 ملین افراد کو متاثر کرتا ہے۔ 30 سال سے زیادہ عمر کے اور
اچھی جلد والے لوگوں میں اس کی نشوونما کا زیادہ امکان ہوتا ہے کیونکہ بچوں
میں شاذ و نادر ہی دکھائی دیتی ہے۔ سب سے زیادہ عام علامات میں دانے اور
پھنسیاں، اور نظر آنے والی خون کی شریانیں شامل ہیں۔ دیگر کم عام علامات
میں آنکھوں میں جلن، جلد کا موٹا ہونا، اور سوجن شامل ہیں۔ اس سب کا بہتر
علاج صرف ڈاکٹر کے ذریعے ہی ممکن ہے- |
|
|
|
|
|
سوجی ہوئی آنکھیں |
|
اگر آپ کو کوئی انفیکشن نہیں ہے اور آپ کو کسی چیز سے الرجی بھی نہیں ہے
اور پھر بھی آپ کی آنکھ سوجی ہوئی ہے، تو سب سے عام وجہ واضح ہے۔ نمک کے
زیادہ استعمال سے آپ کے جسم اور آپ کے چہرے، بشمول آپ کی آنکھوں کے نیچے کا
حصہ میں پانی پھنس رہا ہے۔ آپ جو نمک کھاتے ہیں اسے کم کرنے کی ضرورت ہے۔
کچھ دیگر وجوہات میں آنسو کی نالی کا بند ہونا، سگریٹ نوشی اور مناسب نیند
نہ آنا شامل ہے۔ کولڈ کمپریسس، ٹی بیگز، اور چہرے کا مساج کچھ آسان چیزیں
ہیں جو آپ خود کر سکتے ہیں۔ اگر پھر بھی سوجن ختم نہیں ہوتی ہے چاہے آپ کچھ
بھی کریں، آپ کو ڈاکٹر سے ملنا ہوگا۔ |
|
|