|
|
| |
| قدرت نے ہمیں بہت سی نعمتوں سے نوازا ہے لیکن ہم نے غیر
ضروری ریفائننگ اور مختلف مرحلوں سے گزار کر قدرتی چیزوں کے فائدوں کو بھی
کم کردیا ہے لیکن اس بات کا احساس تب ہوتا ہے جب یہ چیزیں ہمیں نقصان
پہنچانے لگتی ہیں۔ ان میں سے ایک چیز چینی بھی ہے جو بنائی تو گنے سے جاتی
ہے لیکن بہت زیادہ پالش اور ریفائن ہو کر موٹاپے اور دیگر بیماریوں کی وجہ
بن جاتی ہے۔ اس آرٹیکل میں ہم کچھ ایسے اجزاء کے بارے میں بتائیں گے جو
چینی کے متبادل کے طور پر استعمال کیے جاسکتے ہیں اور خالص ہونے کی وجہ سے
چینی کی طرح نقصان دہ بھی نہیں ہیں |
| |
| خالص شہد |
| خالص شہد کو چینی کی جگہ استعمال کیا جاسکتا ہے۔ کوشش
کریں کہ شہد بہت زیادہ پروسیسڈ نہ ہو بلکہ خالص شکل میں ہو۔ شہد اینٹی
وائرل، اینٹی بیکٹیریل اور اینٹی آکسیڈینٹ جیسی خصوصیات رکھتا ہے اور قدرتی
طور پر میٹھا ہوتا ہے۔ |
|
|
| |
| کھجور کا پاؤڈر |
| کھجور بھی قدرتی طور پر میٹھی ہوتی ہے۔ اسے گرائینڈ کرکے
پاؤڈر بنالیں اور چائے کافی میں چینی کی جگہ استعمال کریں۔ کھجور کے پاؤڈر
کا ایک فائدہ یہ بھی ہے کہ اسے کیک اور کوکیز وغیرہ میں بھی استعمال کیا
جاسکتا ہے |
|
|
| |
| ناریل کی شکر
|
| ناریل کی شکر بازار میں “کوکونٹ شوگر“ کے نام سے آرام سے
مل جاتی ہے۔ یہ شکر قدرتی طریقے سے ناریل سے بنائی جاتی ہے اس لئے اسے بھی
سفید چینی کے متبادل کے طور پر استعمال کیا جاسکتا ہے۔ ناریل کی شکر آنتوں
کے ساتھ ہاضمے کے لئے بھی مفید ہے۔ اس کا ذائقہ تھوڑا مختلف اور زیادہ
مزیدار ہوتا ہے |
|
|
| |
| میپل کا شربت
|
| میپل ایک درخت ہے جس کے پتوں سے شکر بنائی جاتی ہے۔ اس
شکر میں اینٹی آکسیڈینٹ کے علاوہ معدنیات بھی شامل ہوتے ہیں۔ یہ شکر عام
طور پر سیرپ کی صورت میں بازار میں ملتی ہے اور اسے آئس کریم، فروٹ چاٹ اور
سلاد وغیرہ میں ڈالا جاسکتا ہے |
|
|