|
|
| |
| صدیوں سے خواتین اپنے بچوں کو یہ سکھاتی آئی ہیں کہ جب
بھی باتھ روم سے آؤ ہاتھ صابن سے ضرور دھو لینے چاہیے ہیں۔ یہی وجہ ہے کہ
یہ عادت ہم سب میں اتنی پختہ ہو چکی ہے کہ ہم میں سے ہر ایک باتھ روم سے
نکل کر اچھی طرح صابن سے ہاتھ دھوتا ہے- |
| |
| مگر کیا آپ جانتے ہیں کہ صحت مند رہنے کے لیے ٹوائلٹ
جانے سے قبل بھی اچھی طرح ہاتھ دھونے ضروری ہیں یہ بات ایک جانب تو ہماری
بچپن کی عادات کے خلاف ہے اس کے ساتھ ساتھ سننے بھی عجیب لگتی ہے۔ اس حوالے
سے آج ہم آپ کو کچھ ایسی ہی باتیں بتائیں گے جو ہم بچپن سے غلط کرتے آرہے
ہیں اور وہ ہمیں صحت کے سنگین خطرات میں مبتلا کر سکتی ہیں - |
| |
| زيادہ نہانا صحت کے لیے
خطرناک |
| آج تک ہم یہی سنتے آئے ہیں کہ نہانا صحت کے لیے ضروری
ہوتا ہے اور نہانے سے ہمارے پورے جسم کی صفائی ہو جاتی ہے جس کی وجہ سے ہم
بیماریوں سے محفوظ رہتے ہیں- لیکن اب جدید ترین تحقیقات کی روشنی میں
ماہرین نے یہ بیان کیا ہے کہ زيادہ نہانا صحت کے لیے مفید ہونے کے بجائے
مضر ثابت ہو سکتا ہے- |
| |
|
|
| |
| کولمبیا یونی ورسٹی کے انفیکشس ڈپارٹمنٹ کے ماہرین کے
مطابق بہت زیادہ نہانے سے جلد کی قدرتی چکنائی ختم ہو جاتی ہے اور وہ خشک
ہو جاتی ہے جس کی وجہ سے اس کی سطح ٹوٹنے لگتی ہے اور اس میں جراثیم گھر
بنا لیتے ہیں جو جسم میں داخل ہو کر طرح طرح کی بیماری پیدا کرنے کا باعث
بن سکتے ہیں- اس وجہ سے اگر آپ صحت مند رہنا چاہتے ہیں تو دن میں ایک بار
سے زيادہ نہانے سے بچیں- |
| |
| ٹوائلٹ جانے سے پہلے
ہاتھ دھونا ضروری |
| اس بات سے تم ہم سب ہی واقف ہیں کہ ہمارے ارد گرد ہر چیز
پر مختلف اقسام کے جراثیم ، بیکٹیریا اور وائرس موجود ہوتے ہیں جن کو چھونے
سے وہ ہمارے ہاتھوں کے ساتھ چپک جاتے ہیں۔ ٹوائلٹ بغیر ہاتھ دھوئے جانے کی
صورت میں یہ جراثیم ہمارے ہاتھوں سے ہمارے جسم کے نازک حصوں کو منتقل ہو
جاتے ہیں- |
| |
| یہی وجہ ہے کہ اکثر افراد یو ٹی آئی یعنی پیشاب کے راستے
میں ہونے والے انفیکشن کا شکار آسانی سے ہو جاتے ہیں- اس وجہ سے یہ یاد
رکھیں کہ ٹوائلٹ جانے سے قبل لازمی طور پر ہاتھ دھو لینے چاہیے- |
| |
|
|
| |
| فلش کا بٹن انگلی سے نہ
دبائیں |
| ٹوائلٹ کو گھر کا وہ حصہ قرار دیا جاتا ہے جہاں پر
جراثیموں کی موجودگی سب سے زيادہ ہونے کا امکان ہوتاہے ۔ ایک محتاط اندازے
کے مطابق ایک فرد کے فلش کرنے کے بعد بھی اس کے ہاتھوں کے جراثيم فلش کے
بٹن پر نوئے منٹ تک موجود رہتے ہیں ۔ |
| |
| اس وجہ سے اگر اس کے بعد کوئی دوسرا فرد فلش کا بٹن
دبائے گا تو وہ جراثیم اس کے ہاتھوں سے دوسروں تک منتقل ہو جائيں گے- اس
وجہ سے اس بات کا لازمی خیال رکھیں کہ فلش کے بٹن کو انگلی کے کنارے سے
دبانے کے بجائے انگلی کی پشت سے دبائیں تاکہ بعد میں ہاتھ دھو کر ان
جراثیموں سے بچا جا سکے- |
| |
| صبح شام منہ دھونا جلد
کے لیے خطرناک |
| چہرے کی جلد آپ کی صحت کی عکاس ہوتی ہے جس کی
صفائی کا خیال رکھنا بہت ضروری ہے مگر اس کی صفائی رکھنے کے لیۓ دن میں دو
سے تین بار اس کو صابن سے رگڑ کر دھونا چہرے کی جلد کے لیے بہت خطرناک بھی
ہو سکتا ہے- |
| |
|
|
| |
| بار بار صابن سے منہ دھونے سے چہرے کی جلد پر موجود
چکنائی کی حفاظتی تہہ ختم ہو کر جلد خشک اور تہہ رونق ہو جاتی ہے اس کے
علاوہ جلد کی پی ایچ ویلیو بگڑ جاتی ہے جس سے عمر کے اثرات جلد پر تیزی سے
ظاہر ہونا شروع ہو جاتے ہیں اور انسان وقت سے پہلے بوڑھا نظر آنے لگتا ہے- |