کھانا بناتے ہوئے ان اشیا کو پھینکنے کے بجائے چہرے پر لگائیں اور بیوٹی پارلر جیسا نکھار پائیں

اکثر گھریلو خواتین کے پاس سب کے لیے وقت ہوتا ہے مگر ان کے پاس اپنے لیے وقت نہیں ہوتا ۔ جس کے سبب ان کی جلد روکھی اور بے جان ہو جاتی ہے ۔ ان سے جب اس حوالے سے کچھ کہا جائے تو وہ فوراً وقت کی کمی کا رونا رونا شروع کر دیتی ہیں جس کے لیے وہ پارلر جانے کا وقت نہیں نکال پاتی ہیں- لیکن آج ہم گھریلو خواتین کو کچھ ایسے نسخے بتائیں گے جس کے لیے انہیں پارلر جانے کی ضرورت نہیں ہو گی بلکہ گھر کے اندر ہی وہ ان نسخوں کو استعمال کر کے پارلر جیسی تیاری اور چمک دمک حاصل کر سکتی ہیں-

1: ٹماٹر اور کھیرے کے چھلکے

ٹماٹر کا استعمال ہر گھر میں باقاعدگی سے ہوتا ہے ۔ اس کے ساتھ ساتھ کھیرا بھی ہر موسم میں گھر میں موجود ہوتا ہے ۔ کھیرے اور ٹماٹر کے چھلکوں کو پھینکنے کے بجائے ایک ساتھ بلینڈر میں بلینڈ کر لیں ۔ اور اس سے بننے والے پیسٹ کو کسی جار میں ڈال کر تین دن کے لیے فریج میں رکھ دیں اس کے بعد دن میں ایک بار اس پیسٹ کو چہرے پر لگا لیں اور سوکھنے کے لیے چھوڑ دیں- اس کے بعد تازہ پانی سے منہ دھو لیں اس سے نہ صرف چھائیوں کا خاتمہ ہو گا بلکہ جلد کی چمک دمک بھی بحال ہو گی -

2: کیلے کے چھلکے

عام طور پر کیلے کے چھلکے کھانے کے بعد سب ہی پھینک دیتے ہیں جب کہ یہ کیلے کے چھلکے اپنے اندر پوٹاشیم کا خزانہ رکھتے ہیں- ان چھلکوں کو دانتوں پر ملنے سے دانت سفید اور مضبوط ہو جاتے ہیں اور ان کو قدرتی تحفظ حاصل ہوتا ہے ۔ اس کے علاوہ کیلے کے چھلکے وٹامن سے بھی بھرپور ہوتے ہیں اور ان کو چہرے پر رگڑنے سے یہ قدرتی اسکرب کا کام کرتے ہیں اور اس سے جلد کے مردہ سیل صاف ہو جاتے ہیں کیل مہاسوں کا خاتمہ ہوتا ہے-

3: نارنگی کے چھلکے

نارنگی کے چھلکے وٹامن سی سے بھرپور ہوتے ہیں ان کو دھوپ میں سکھا کر ان کا پاؤڈر بنا کر سال کے بارہ مہینے استعمال کیا جا سکتا ہے ۔ یہ قدرتی طور پر بہترین سن اسکرین کے طور پر کام کرتے ہیں ۔ اسکے علاوہ اس کا پانی کے ساتھ ملا کر پیسٹ بھی بنایا جا سکتا ہے جو کہ قدرتی ماسک کے طور پر کام کرتا ہے-

4: آلو کے چھلکے

آلو کا شمار اس سبزی میں ہوتا ہے جو کہ سال کے بارہ مہینے استعمال ہوتی ہے اس کے چھلکے غذائیت سے بھرپور ہوتے ہیں ان چھلکوں کو ضائع کرنے کے بجائے اگر آنکھوں پر لگائے جائيں تو یہ نہ صرف آنکھوں کی تھکن کم کرتے ہیں بلکہ پپوٹوں کا بھاری ہونا ، آنکھوں کے نیچے حلقوں کے پڑ جانے کو بھی ختم کرتے ہیں-

5: کھٹے دہی کا استعمال

بعض اوقات دہی پڑا پڑا کھٹا ہوجاتا ہے اور اکثر خواتین اس دہی کی کڑی بنا لیتی ہیں ۔ اس دہی سے چہرے کے غیر ضروری بالوں کا خاتمہ بھی کیا جا سکتا ہے اس کے لیے دہی کے اندر تھوڑی مقدار میں بیسن اور ہلدی شامل کر کے پیسٹ بنا لیں اور اس پیسٹ کو چہرے پر لگا لیں ۔ اور خشک ہونے تک کے لیے چھوڑ دیں جب اچھی طرح خشک ہو جائے تو اس کو مل کر اتار لیں اس سے غیر ضروری بال قدرتی طور پر اتر جائيں گے-

< Previous حلیم کے ایسے فوائد جن کو جان کر آپ بھی کھانے پر مجبور ہوجائیں NEXT > جوؤں کے ڈر سے اب بچوں کے بال نہ کٹوائيں بلکہ صرف ان چند آسان تدابیر سے جوئيں بھگائيں اور بال لمبے اور چمکدار بنائیں

Comments

31 Jan, 2021

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.