اگر آپ کو صبح صبح بہت سردی لگتی ہے تو اپنی صبح کا آغاز اس مشروب سے کریں اور نہ صرف سردی کو دور بھگائیں بلکہ کئی اور فائدے بھی پائیں

سردی کے موسم میں گھر کی خواتین کے لیے سب سے بڑا مسئلہ گھر کے بچوں اور حضرات کو صبح صبح گرم بستر چھوڑنے پر مجبور کرنا ہوتا ہے ۔ ہر ایک کی یہی خواہش ہوتی ہے کہ وہ اپنے گرم بستر کو چھوڑ کر نہ ہی نکلے تو بہتر ہے لیکن آج ہم آپ کو ایک ایسے مشروب کے بارے میں بتائيں گے جس کے چند گھونٹ انسان کو اندر سے اتنا گرم کر دیتے ہیں کہ وہ نہ صرف بستر چھوڑ دیتا ہے بلکہ دن بھر چاک و چوبند رہ کر سردی کا مقابلہ کرنے کی طاقت حاصل کر لیتا ہے-

گڑ کا پانی

گڑ کے اندر یہ خاصیت موجود ہوتی ہے کہ وہ گرم رکھنے میں مدد دیتا ہے ۔اسی وجہ سے سردی کے موسم میں ہر گھر میں گڑ سے بنے ہوئے پکوان تیار کیے جاتے ہیں جو کہ انسان کو گرم ہونے میں مدد دیتا ہے- لیکن آج ہم آپ کو بتائيں گے کہ اپنے دن کا آغاز گڑ کے گرم پانی سے کرنے سے کتنے فوائد حاصل ہو سکتے ہیں-

گڑ کا پانی بنانے کا طریقہ

ایک گلاس پانی لے لیں اور اس کو ابال لیں ۔ اس کے بعد اس میں ایک انچ گڑ کا ٹکڑا ڈال کر اس وقت تک پکائيں کہ گڑ پانی میں پگھل جائے ۔اس کے بعد اس کو قدرے ٹھنڈا کر لیں اور اس کے بعد اپنی صبح کے آغاز میں اس مشروب کو گھونٹ گھونٹ کر کے پی لیں ۔یہ نہ صرف ذائقے میں بہت مزیدار ہوتا ہے بلکہ اس کے اندر طاقت کا ایک خزانہ پوشیدہ ہوتا ہے جو کہ انسان کو گرم کر کے سردی کا مقابلہ کرنے کی طاقت فراہم کرتا ہے-

گڑ کے پانی کے فوائد

کھانسی، نزلہ زکام سے محفوظ رکھے

گڑ کے اندر وٹامن کی بڑی مقدار موجود ہوتی ہے ۔ گرم پانی کے ساتھ اس کا استعمال گلے کی اندرونی سوزش کو ختم کر کے سانس کی نالیوں کی صفائی کرتا ہے اور نزلہ زکام کے خطرے سے محفوظ رکھتا ہے-

قوت مدافعت کو بڑھاتا ہے

اس کے اندر بڑی مقدار میں کیلوریز موجود ہوتی ہیں جو کہ جسم کو طاقت فراہم کرتی ہیں اور اس کو بیماریوں سے لڑنے کی قوت دیتی ہیں-

نظام ہاضم تیز کرتا ہے

گڑ معدے میں موجود ہاضمی خامروں کے بننے کے عمل کو تیز کرتا ہے جس کے سبب نظام ہاضم درست ہوتا ہے قبض سے نجات ملتی ہے اور معدے کو طاقت ملتی ہے-

وزن کو کم کرنے میں مفید

گڑ کا پانی ایک قدرتی مٹھاس کا حامل مشروب ہے ۔ یہ جسم میں موجود جمی ہوئی چکنائی کو پگھلاتا ہے اور وزن کم کرنے والے افراد کے لیے بہت مددگار ثابت ہوتا ہے-

یاد رہے !

ذیابطیس کے مریض اس کا استعمال اپنے ڈاکٹر کے مشورے کے بغیر نہ کریں ۔ کیوں کہ اس کو روزانہ پینے سے خون میں شوگر کی مقدار میں اضافہ ہوسکتا ہے جو کہ ان کے لیے خطرناک ثابت ہو سکتا ہے-

< Previous حلیم کے ایسے فوائد جن کو جان کر آپ بھی کھانے پر مجبور ہوجائیں NEXT > اب پانی کے ذریعے پھیپھڑوں اور سانس کی تکلیف میں گھر بیٹھے کمی لائیں

Comments

31 Jan, 2021

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.