فائدہ تو ہوا لیکن یہ نقصان بھی ہوگیا--- چند چیزیں اتنی فائدہ مند نہیں ہیں جتنی ہم سمجھتے ہیں

ہم بہت سی غذاؤں کے فوائد سن کر انہیں کھانا تو شروع کردیتے ہیں لیکن یہ جاننے کی زحمت نہیں کرتے کہ جہاں ایک جانب ان غذاؤں کے کچھ فائدے ہیں وہیں دوسری طرف ان کے کچھ نقصانات بھی ہیں- ہر چیز کو کھائیں لیکن اعتدال کے ساتھ بصورت دیگر یہ چیزیں آپ کو فائدوں کے ساتھ ساتھ نقصان بھی پہچانے لگتی ہیں-

لیموں پانی

اس بات سے انکار ممکن نہیں کہ لیموں کے بےشمار فوائد ہیں لیکن ایک حقیقت یہ بھی ہے کہ لیموں میں تیزابیت بھی پائی جاتی ہے- اسی وجہ سے ماہرین لیموں پانی کو دانتوں کے نقصان دہ قرار دیتے ہیں کیونکہ یہ تیزابیت دانتوں پر موجود enamel کی تہہ کو تباہ کرسکتی ہے- اس لیے لیموں پانی کو پینے کے لیے اسٹرا کا استعمال کیجیے-

چائے

ہم میں سے بیشتر افراد جانتے ہیں کہ بلیک کافی آپ کے دانتوں پر داغ ڈال سکتی ہے، لیکن چائے بھی آپ کے دانتوں پر موجود انیمل کی تہہ کو متاثر کرسکتی ہے کیونکہ اس میں کافی سے زیادہ ٹینن پایا جاتا ہے۔اور یہ نشانات دیرپا بھی ثابت ہوسکتے ہیں- چائے پینے کے بعد ایک گلاس پانی پینا دانتوں کو کسی حد تک داغ دھبوں سے محفوظ بنا سکتا ہے-

ڈرائی فروٹ

بہت سارے لوگ کینڈی کو خشک میوہ جات سے تبدیل کردیتے ہیں، لیکن حقیقت میں یہ بھی آپ کے دانتوں کے لئے کافی خطرناک ہوسکتا ہے۔ کمپنیاں اکثر ڈرائی فروٹ کو زیادہ دلکش بنانے کے لئے مصنوعی فوڈ کلرنگ کا استعمال کرتی ہیں ، اور یہ چیز آپ کے دانتوں پر داغ ڈال سکتی ہے۔ لہٰذا ڈرائی فروٹ کا استعمال بھی اعتدال میں رہ کر کرنا چاہیے-

کم کیلیوریز والی غذائیں

80 فیصد افراد کم کیلیوریز والی غذائیں استعمال کر کے وزن تو کم کرلیتے ہیں لیکن ان کا وزن دوبارہ بڑھ جاتا ہے- ماہرین کا خیال ہے کہ وزن کم کرنے کی کوشش میں اگر جسم میں اتنی کیلوریز بھی داخل نہ کی جائیں جتنی کہ اسے ضرورت ہے تو اس سے آپ کے میٹابولزم کی کارکردگی سست ہوجاتی ہے-

گرین جوس

گرین جوس جو کہ ہری سبزیوں اور پھلوں سے بنتا ہے کو ایک طویل عرصے سے صحت کے لیے بہترین قرار دیا جاتا ہے، لیکن اس سے اتنے فوائد حاصل نہیں ہوتے جتنے براہ راست پھل اور سبزیوں سے زیادہ سے زیادہ حاصل ہوتے ہیں۔ جوس میں بہت کم فائبر پایا جاتا ہے، جبکہ فائبر مناسب انہضام اور صحت مند وزن کو برقرار رکھنے کے لئے ضروری ہے۔

< Previous حلیم کے ایسے فوائد جن کو جان کر آپ بھی کھانے پر مجبور ہوجائیں NEXT > آپ بغیر مشین کے بھی اپنا بلڈ پریشر خود چیک کرسکتے ہیں

Comments

30 Aug, 2021

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.