کیا آپ کا وزن کسی طور بھی کم نہیں ہو رہا؟ کھانے کے دوران کی جانے والی 5 عام غلطیاں جو وزن کم نہیں ہونے دیتیں

آج کے دور میں اضافی وزن سے ہر دوسرا شخص پریشان دکھائی دیتا ہے اور اس مسئلے چھٹکارا پانے کے لیے ہر ممکن کوشش بھی کرتا ہے لیکن کامیابی کم ہی لوگوں کو ملتی ہے- لیکن ہم آج 5 ایسے طریقے بتائیں گے جنہیں آپ کھانے کے دوران اختیار کر کے اپنے وزن میں کمی کے حوالے سے مدد حاصل کرسکتے ہیں- درحقیقت یہ 5 عادات ہیں جنہیں ترک کر کے ہم اپنے وزن میں اضافے کو نہ صرف روک سکتے ہیں بلکہ اس میں کمی بھی لا سکتے ہیں-

چھوٹی پلیٹ کا انتخاب

مؤثر طریقے سے اور مقررہ مدت میں وزن کم کرنے کے لیے، محدود تعداد میں کیلوریز کا جسم میں داخل ہونا بہت ضروری ہے۔ بڑی پلیٹ میں کھانا کھانے کا مطلب ہے کہ بہت زیادہ کیلوریز کا جسم میں داخل ہونا- اس لیے اضافی کھانا کھانے سے بچیے اور کھانے میں بہت زیادہ احتیاط سے کام لیں- کوشش کیجیے کہ صحت بخش اور غذائیت سے بھرپور غذائیں کھائیں-

تیل سے متعلق احتیاط

ایک عام غلطی جو بہت سے لوگ کھانا پکاتے وقت کرتے ہیں وہ کھانا پکانے کے تیل میں موجود کیلوریز والے مواد کو نظرانداز کرنا ہے۔ اگر آپ فراینگ پین میں دل کھول کر تیل ڈالیں گے تو یہ آپ کے وزن میں کمی کے منصوبے کے لئے نقصان دہ ہوگا۔ یہاں تک کہ اگر آپ صحت بخش چربی پر مشتمل جیسے زیتون کا تیل ، ناریل کا تیل یا گھی استعمال کررہے ہیں تو بھی آپ کے کھانے میں اس کی مقدار کم سے کم ہونی چاہئے۔

شام کو اسنیکس کا استعمال

رات کو اضافی کھانے کی ایک وجہ لنچ اور ڈنر کے درمیان موجود لمبا وقفہ بھی ہوتا ہے- اس لمبے وقفے کی وجہ سے آپ خود کو کنٹرول نہیں کرپاتے اور جب کھانے بیٹھتے ہیں تو اضافی کھا جاتے ہیں- اس مسئلے سے نجات کے لیے ضروری ہے کہ آپ شام کے وقت چائے کے ساتھ کچھ تھوڑا بہت کھا لیں-

کھانے سے قبل پانی پیجیے

ہم اکثر پینے کے پانی کی اہمیت کو نظرانداز کر دیتے ہیں۔ پانی ہمیں کم کھانے میں مدد فراہم کرتا ہے- پانی پینے سے ہمیں پیٹ بھرے ہونے کا احساس ہوتا ہے اور یہی سگنل دماغ کو بھی ملتا ہے جس کی بدولت ہم اضافی کھانا کھانے سے گریز کرتے ہیں- لہٰذا کھانا کھانے سے 30 منٹ قبل ایک گلاس پانی ضرور پیجیے-

کھانے کے وقت رکاوٹیں

کھانے کے وقت پیدا ہونے والی رکاوٹیں بھوک کے ٹریک سے ہٹا کر اضافی کھانا کھانے پر مجبور ہوجاتے ہیں- اسی لئے یہ مشورہ دیا جاتا ہے کہ ٹیلیویژن کے سامنے کھانا نہ کھائیں۔ دھیان سے کھانے کی مشق کرنے سے آپ کے کیلوریز کی مقدار اور تیزی سے وزن کم کرنے میں مدد مل سکتی ہے۔

< Previous حلیم کے ایسے فوائد جن کو جان کر آپ بھی کھانے پر مجبور ہوجائیں NEXT > حجاب پہننے والی خواتین کی پریشانی دور، اب اپنے بالوں کو صرف ان چند باتوں کا دھیان رکھ کر صحتمند رکھیں

Comments

09 Dec, 2020

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.