|
|
جی ہاں! جو آپ نے ہیڈنگ پڑھی ہے، وہ بالکل ٹھیک ہے۔ اگر
آپ ذہنی دباؤ یا ٹینشن کا شکار ہیں تو چاکلیٹ کھالیا کریں۔ یہ ہم نہیں
ماہرین کہہ رہے ہیں ۔ نیویارک کی مشہور ماہر غذائیت ٹریسی لوک ووڈ بیکرمین
کا کہنا ہے کہ یہ حقیقت ہے کہ چاکلیٹ ذہنی دباؤ/اسٹریس کو دور کرنے میں بہت
معاون ثابت ہوتی ہے۔ انہوں نے چاکلیٹ کو اسٹریس فائیٹر قرار دیا ہے اور
انہوں نے چاکلیٹ کے حوالے سے کیا کہا ہے ، آپ کو ہم اس مضمون میں بتارہے
ہیں، آئیے جانئے۔ |
|
کونسی چاکلیٹ کھائیں: |
اب چاکلیٹ کھانے سے ٹینشن تو ختم ہوتی ہے، تاہم کونسی چاکلیٹ کھانی ہے؟ اس
کا جواب ماہر غذائیت ٹریسی دیتے ہوئے کہتی ہیں کہ اگر ذہنی دباؤ سے چھٹکارا
پانا ہے تو ”ڈارک چاکلیٹ“ کھائیں ۔ کیونکہ اس میں ”اینٹی اوکسیڈنٹس“ اور
”فلیوانولز“ موجود ہوتے ہیں ۔ ساتھ ہی یہ کورٹیسول لیول( اسٹریس ہارمون) کو
کم کرتے ہیں تاکہ لوگوں کو ذہنی دباؤ محسوس نہ ہو ۔ |
|
|
|
ڈارک چاکلیٹس میں کوکو موجود ہوتا ہے ، جس میں میگنیشم
پایا جاتا ہے ، جو کہ انسان کا ”موڈ“ بہتر بناتا ہے ۔ امریکا اور برطانیہ
میں تو ایسی چاکلیٹ بارز کو ”موڈی گر ل“، ”سول کوکو“ کے نام سے 7 سے 26
ڈالرز کی قیمت میں بیچا جاتا ہے ۔ جس سے اس بات کا اندازہ ہوتا ہے کہ
چاکلیٹ کو کس طرح ذہنی دباؤ کو دور کرنے اور موڈ کو بہتر کرنے کیلئے
استعمال کیا جاتا ہے ۔ |
|
چاکلیٹ کے حوالے سے
ریسرچ: |
جینیٹک اینالسز آف کوکو کے نام سے کی جانے والی تحقیق
میں کہا گیا ہے کہ وہ لوگ جو اپنے آپ کو highly stressed (شدید ذہنی دباؤ)
کا شکار مانتے ہیں ، انہیں چاہئے کہ وہ روزانہ دو ہفتے بلاناغہ ڈارک چاکلیٹ
کھائیں ۔ جن لوگوں پر یہ تحقیق کی گئی تھی انہیں دن میں 40 گرام ڈارک
چاکلیٹ روزانہ کھلائی گئی ، اس کے بعد ان کے جسم میں موجود اسٹریس ہارمونز
کا لیول پلازمہ ٹیسٹ کے ذریعے چیک کیا گیا ، جس سے بات سامنے آئی کی ڈارک
چاکلیٹ کھانے سے انسان کے جسم سے اسٹریس لیول کم ہوتا ہے اور ان کا ذہنی
دباؤ کم ہو جاتا ہے ۔ |
|
|
|
تحقیق کے بعد ماہر غذائیت بھی اسٹریس سے چھٹکارہ
پانے کیلئے لوگوں کو ڈارک چاکلیٹ ایک مخصوص مقدار میں کھانے کا مشورہ دے
رہے ہیں۔ تاہم ڈاکٹرز کا کہناہے کہ ملک چاکلیٹ اس سلسلے میں ہرگز استعمال
نہیں کرنی بلکہ اسٹریس کو کم کرنے کیلئے ڈارک چاکلیٹ ہی خریدنی اور استعمال
کرنی ہوگی، ورنہ مطلوبہ فوائد حاصل نہیں ہوسکیں گے۔ |
|