|
|
ماضی میں کسی نے بھی نہیں سوچا ہوگا کہ ایک وقت ایسا بھی
آئے گا کہ جب پانی پلاسٹک کی بوتل میں بیچا جائے گا اور لوگ اسے خرید کر
استعمال کریں گے۔ اب تو پلاسٹک کی بوتلیں ناصرف پانی، بلکہ مختلف اشیا کو
بیچنے کیلئے بنائی جاتی ہیں۔ اکثر لوگ پلاسٹک کی بوتل میں موجود اشیا یا
پانی خرید کر پیتے ہیں۔ اکثر پلاسٹک کی بوتلوں کے نیچے کی جانب انگریزی میں
کچھ لکھا ہوا ہوتا ہے۔ ان الفاظ کا کیا مطلب ہوتا ہے اور کونسی بوتل نقصان
دہ اور کونسی بوتل کو استعمال کرنا بہتر رہتا ہے، آئیے اس مضمون میں جانئے۔ |
|
اگر بوتل پر PET یا PETE
لکھا ہوا ہے تو: |
کچھ لوگوں یہ پتا نہیں ہوتا کہ وہ جس بوتل کو استعمال کر
رہے ہیں ، اس بوتل کے نیچے کی جانب یہ مخصوص ٹرائی اینگل نشان اور انگریز ی
کا حرف PET لکھا ہوا ہے اور اس کا کیا مطلب ہے ۔ جس پر بوتل پر PET یا PETE
لکھا ہوتا ہے کہ اس کا مطلب ہوتا کہ یہ صرف ایک مرتبہ استعمال (safe for
single use) کی جائے تو بہتر ہے ۔ کیونکہ یہ بوتل جہاں رکھی جائے وہاں زائد
آکسیجن یا درجہ حرارت بڑھا ہوا ہو ، یا دھوپ آرہی ہو تو اس بوتل میں زہریلے
مادے پانی یا جوس میں شامل ہونے لگتے ہیں۔ پلاسٹک کے بارے میں پہلے ہی
لوگوں کو پتہ ہے کہ اس کو تیار کرنے میں مختلف کیمیکلز استعمال ہوتے ہیں جو
کہ خطرناک بھی ثابت ہو رہے ہوتے ہیں ۔ یہی کیمیکلز دھوپ میں یا مختلف
صورتحال میں رکھی جانے والی بوتل کے پانی میں شامل ہو جاتے ہیں ۔ پھر اسی
بوتل کا پانی لوگ استعمال کرتے ہیں جوکہ ان کی صحت کے لئے مضر ہوتا ہے۔ |
|
|
|
اگر بوتل پر PVC یا PC
لکھا ہوا ہے تو: |
ایسے بوتلیں جن پر PVC یا PC لکھا ہوا ہو۔ ان بوتلوں کو
استعمال نہ کریں ۔ اس کے پلاسٹک میں زہریلے کیمیکلز موجود ہوتے ہیں جو کہ
آپ کے کھانوں اور پانی، شربت وغیرہ میں شامل ہو جاتے ہیں۔ ایسی بوتلوں میں
موجود اشیا کو خریدنے سے گریز کریں تو بہتر ہے ۔ کیونکہ ان کا مستقل
استعمال انسان کو مختلف بیماریوں میں مبتلا کرسکتا ہے ۔ |
|
کونسی بوتلیں بہتر ہیں: |
ایسے بوتلیں جن کے نیچے کی جانب HDPE, LDPE یا PP لکھا
ہوا ہو انہیں کئی مرتبہ استعمال میں لایا جاسکتا ہے۔ اس طرح کی بوتلیں پولی
تھائیلین اور پولی پروپائیلین کی مدد سے تیار کی جاتی ہیں ، یہ کوالٹی میں
بہتر ہوتی ہیں ۔ انہیں باقاعدگی سے استعمال میں لایا جاسکتا ہے ، تاہم کوشش
کریں کہ ان بوتلوں کو وقتاً فوقتاً دھوئیں اور انہیں ٹھنڈی جگہ پر رکھیں۔ |
|
|
|
بوتل سے پانی کیسے پئیں: |
پانی کو بوتل سے منہ لگاکر پینے سے احتیاط کریں، کیونکہ
ہوسکتا ہے کہ آپ کے ہاتھ یا بوتل پر جراثیم موجود ہوں جو کہ اس طرح آپ کے
معدے تک منتقل ہو جائیں گے ۔ جب بھی پلاسٹک کی بوتل سے پانی پینا ہو تو
اسٹرا لگاکر پانی پئیں ۔ یا پھر بوتل کو تھوڑے فاصلے پر رکھ کر پانی کو منہ
میں ڈال لیں۔ |