|
|
پیاز کے رس کی تیز مہک انسان کو ناگوار
گزرتی ہے ، لیکن یہ بھی حقیقت ہے کہ اس کے بہت سے فوائد ہیں ۔ صدیوں سے
پیاز کے رس کو بالوں کو گرنے سے بچانے اور ان کی نشونما کو بڑھانے کیلئے
استعمال کیا جاتا رہا ہے ۔ یہی وجہ ہے کہ بہت سی ہئیر پروڈکٹس میں اس کا
استعمال کیا جاتا ہے اور اب بھی کیا جاتا ہے ۔ |
|
ان دنوں جس سے بھی بالوں کا پوچھا جائے
اکثریت میں لوگوں کو یہی شکایت ہوتی ہے کہ ان کے بال تیزی سے گِر رہے ہیں ۔
ان کے بال گرنے کی وجہ سے بال پتلے ہوگئے ہیں ، ساتھ ہی سر کے درمیان میں
گنج پن بھی ظاہر ہورہا ہے ۔ ماحولیاتی آلودگی ، ذہنی تناؤ ، متوازن غذا کا
استعمال نہ کرنا ودیگر وجوہات کی بنا پر بال تیزی سے گرنے کی شکایت اب زبان
زد عام ہے ۔ ایک ریسرچ کے مطابق 80 ملین افراد کے قریب مرد و خواتین بالوں
کے گرنے اور گنج پن جیسے مسائل کا شکار ہیں ۔ |
|
اکثر ماہرین بالوں کے جملہ مسائل کے حل
کیلئے پیاز کا رس استعمال کرنے کا مشورہ دیتے ہیں ۔ کیونکہ اس کے رس میں
ایسے اجزا موجود ہوتے ہیں ، جو اس کی افادیت میں اضافہ کرنے کا باعث ہیں ۔
پیاز کے رس میں سلفیٹ وافر مقدار میں موجود ہوتا ہے ۔ جس کی مدد سے
alopecia یعنی بال چر یا گنج پن کا علاج کیا جاسکتا ہے ، اس کے علاوہ سر کی
جلد میں خارش ہونا ،اس کا خشک ہونا ، بالوں کا گرنا ، خشکی ، بالوں کا پتلا
ہوجانا ، بے جان بال ، وقت سے قبل بالوں کا سفید ہوجانا اور سر کی جلد کے
کئی انفیکشنز کو ختم کرنے کیلئے یہ پیاز کا رش مفید سمجھا جاتا ہے ۔ سلفیٹ
کی مدد سے بالوں کی نشونما میں تیزی سے اضافہ ہوتا ہے ۔ ساتھ ہی کولاجن کی
نشونما کو بھی بڑھاتا ہے ، جس کے بعد صحت مند خلیات تشکیل پاتے ہیں اور یہی
خلیات بالوں کی نشونما میں اہم کردار ادا کرتے ہیں۔ |
|
|
|
پیاز کے رس میں منرلز کی بھی ایک بڑی مقدار
موجود ہوتی ہے ، یہ منرلز جہاں بالوں کو نشونما کو بڑھاتے ہیں ، وہیں یہ
بالوں کو چمکدار بناتے ہیں ۔ اس میں اینٹی مائیکروبیل خاصیت موجود ہوتی ہے
، جوکہ بالوں کے انفیکشن کا خاتمہ کرتا ہے اور ہئیر فولیکلز کو مضبوط بناتا
ہے ۔ جس کی وجہ سے بال صحت مند اور چمکدار دکھائی دیتے ہیں ۔ |
|
پیاز کا رس
کس طرح نکالیں: |
دو درمیانے سائز کے ایسے پیاز جو جامنی رنگ
میں ہوں، وہ لے لیں ۔ انہیں اچھی طرح دھولیں ۔ ساتھ ہی چوپ کرلیں ۔ اسے
بلینڈر میں ڈالیں اور اس میں ایک سے ڈیڑھ کپ پانی ڈالیں ۔ بلینڈ کریں۔ اس
جوس کو کسی ململ کے کپڑے سے گزاریں اور چھان لیں ۔ اس چھانے گئے رس کو بوتل
میں بھرلیں ۔ |
|
رس کو کس
طرح لگائیں ؟ |
اس رس کو بالوں کو دھونے سے قبل سر کی جڑوں
میں ہاتھوں کی انگلیوں کی مدد سے لگائیں ۔ اس کے بعد ہلکے ہاتھوں سے مساج
کرتے رہیں تاکہ یہ رس بالوں میں اچھی طرح جذب ہوجائے ۔ اس طرح کرنے سے
بالوں کی جڑوں میں خون کی گردش بھی تیز ہوگی اور اس کی وجہ سے پیاز کے رس
میں موجود منرلز ، سلفیٹ وغیرہ بالوں کی جڑوں میں اچھی طرح جذب ہو جائیں گے
۔ اسے ایک گھنٹے تک بالوں میں لگائے رکھیں اور پھر بالوں کو سادے پانی سے
دھو لیں ۔ اس کے بعد کوئی اچھی خوشبو والا شیمپو استعمال کریں تاکہ بالوں
کی جڑوں سے پیاز کی بدبو نکل جائے ۔ |
|
|
|
اس طر ح پیاز کے رس کو تین ماہ تک استعمال
کریں تو گنج پن جیسی بیماریوں کا خاتمہ ہوجائے گا اور بال تیزی سے بڑھیں گے
، یقین نہیں آتا تو آزما کر دیکھ لیں ۔ |