|
|
تحقیقات سے یہ ثابت ہوا ہے کہ ذیابطیس کی بیماری اور اچانک وزن کم ہونے میں ایک
گہرا تعلق ہوتا ہے یا دوسرے لفظوں میں یہ بھی کہا جا سکتا ہے کہ اچانک وزن کم ہونا
ذیابطیس کی بیماری کی ایک بڑی علامت ہے مگر زیادہ تر لوگ اس امر سے نا واقف ہوتے
ہیں کہ وہ کون سی وجوہات ہوتی ہیں جن کے سبب ذیابطیس کے مریض کا وزن تیزی سے کم
ہونا شروع ہو جاتا ہے اور اس کمزوری کو روکنے کے لیۓ کیا کیا اقدامات کرنے ضروری
ہیں - |
|
1: جسم میں انسولین کی کمی |
ذیابطیس کے مرض کا مطلب ہے کہ انسانی جسم میں موجود لبلبہ مقررہ مقدار میں
انسولین تیار نہیں کر پا رہا ہے جس کی وجہ سے جسم میں موجود شکر خون کے
اندر مناسب مقدار میں شامل ہو کرتوانائی پیدا کرنے میں ناکام ثابت ہو رہی
ہے- جس کی وجہ سے زیادہ تر شکر خون میں شامل ہو جاتی ہے اور جسم میں شکر
اور کاربوہائیڈریٹ کی کمی واقع ہو رہی ہے اور جسم اپنی توانائی کی ضرورت
جسم میں جمع شدہ چربی کو استعمال کر کے پوری کرتی ہے جس کے سبب چکنائی کی
کمی کی وجہ سے وزن میں واضح کمی واقع ہوتی ہے ۔ اور اگر اس سلسلے کو روکا
نہ جائے تو اس کا براہ راست اثر جسم کے اندرونی اعضا کی خرابی تک جاری رہتا
ہے- |
|
|
2: جسم میں پانی کی کمی |
ذیابطیس کے مریض کو بار بار پیشاب کرنے کی حاجت ہوتی ہے جس کے سبب اس کے
جسم میں پانی کی کمی واقع ہو جاتی ہے اور جسم مین موجود خلیات اور عضلات کا
پانی تیزی سے کم ہوتا ہے- پانی کی اس کمی کے سبب خون میں شکر کی مقدار میں
اضافہ ہوتا ہے اور بار بار پیشاب کرنے سے تونائی کی کیلوریز میں کمی واقع
ہوتی ہے جس سے وزن کم ہو سکتا ہے- |
|
|
3: پٹھوں کی ٹوٹ پھوٹ |
انسانی جسم کا تقریباً 45 فی صد حصہ پٹھوں پر مشتمل ہوتا ہے ۔ جسم کے اندر
میٹابولزم کا عمل چوبیس گھنٹے جاری رہتا ہے اور انسانی جسم میں ٹوٹ پھوٹ کا
عمل ہر وقت جاری رہتا ہے- ایک جانب اگر پرانے خلیات یا پٹھے ٹوٹ رہے ہوتے
ہیں تو اسی طرح دوسرے نئے بن بھی رہے ہوتے ہیں- مگر ذیابطیس کے مرض کے سبب
پٹھوں کے ٹوٹنے کا عمل تیز ہو جاتا ہے جب کہ نئے خلیات اور پٹھوں کے بننے
کا عمل سست روی کا شکار ہو جاتا ہے جس کے سبب وزن میں کمی واقع ہو جاتی ہے- |
|
|
وزن کی کمی کا تدارک |
ذیابطیس کے مرض میں وزن کی یہ تیزی سے کمی انتہائی خطرناک بھی ثابت ہو سکتی
ہے اس کو روکنے کے لیے سب سے پہلے جسم میں انسولین کی شرح کو برقرار رکھنا
ضروری ہے- اس کے لیے کسی معالج سے رجوع کرنا بہت ضروری ہے جو کہ دوا یا
انسولین کے ذریعے شوگر کی شرح کو کنٹرول کر سکتا ہے- ذیابطیس کے مریضوں کو
اس بات کی کوشش کرنی چاہیے کہ ان کے جسم میں پانی کی کمی واقع نہ ہو اس لیے
انہیں مائع اشیا کا استعمال زیادہ کرنا چاہیے- |
|
|
جسم کے میٹا بولزم کے عمل کو توازن میں رکھنے کے لیے یہ ضروری ہے کہ
ذیابطیس کے مریض زيادہ سے زيادہ پروٹین والی غذائیں مثال کے طور پر گوشت ،
دالوں اور سبزیوں کا استعمال زيادہ سے زیادہ کریں - |