صرف ایک ہفتے میں گھر بیٹھے 7 کلو تک وزن کم کرنے کا حیرت انگیز طریقہ جانیں

عام طور پر وہ تمام افراد جن کا وزن زیادہ ہوتا ہے اور جو موٹاپے کا شکار ہوتے ہیں مستقل طور پر کچھ ایسے ٹوٹکوں اور ترکیبوں کی تلاش میں رہتے ہیں جس کے ذریعے وہ فوری طور پر اپنا وزن کم کر سکیں- اس کے لیے وہ بے تحاشا پیسے بھی خرچ کرتے ہیں اور ہر ممکن کوشش کرتے ہیں کہ کسی نہ کسی طریقے سے اپنا وزن کم کر لیں- وزن کم کرنے کے عمل میں سب سے اہم چیز انسان کی غذا ہوتی ہے جس کے اندر بے احتیاطی وزن میں اضافے کا سبب بن سکتی ہے اور ایک مؤثر ڈائٹ پلان کی مدد سے دنوں میں اس بڑھے ہوئے وزن کو کم کیا جا سکتا ہے- آج ہم آپ کو ایک ایسا ہی ڈائٹ پلان بتائيں گے جس کی مدد سے صرف ایک ہفتے میں سات کلو تک وزن کم کیا جا سکتا ہے-

ڈائٹ پلان کے اصول

اپنا وزن کریں اور اس کو اپنے پاس نوٹ کرلیں - صبح کا ناشتہ انسانی صحت کے لیے سب سے زیادہ ضروری ہوتا ہے اس وجہ سے اس کو کبھی بھی نہیں چھوڑنا ہے- سافٹ ڈرنک ، چاۓ کافی اور ایسی تمام اشیا سے پرہیز کرنا ہے جس میں آرٹیفیشل مٹھاس موجود ہوتا ہے- رات آٹھ بجے کے بعد کچھ بھی کھانے سے پرہیز کرنا ہے-

ڈائٹ پلان

پہلا دن پھلوں کا دن

اس دن آپ نے صبح کے ناشتے سے لے کر رات کے کھانے تک صرف پھل کھانے ہیں اس دن کچھ بھی پکا ہوا کھانا نہیں کھانا ہے اور پھلوں میں بھی کیلا کھانے سے پرہیز کرنا ہے- کوشش کریں کہ پھلوں میں پپیتا ، انناس ، سیب وغیرہ کا استعمال یا رس دار پھلوں کا استعمال زیادہ سے زيادہ کریں-

دوسرا دن سبزیوں کا دن

ڈائٹ پلان کا دوسرا دن سبزیوں کا دن ہوگا اس دن میں آپ نے صبح ناشتے سے لے کر رات کے کھانے تک سبزیوں کا ہی استعمال کرنا ہے- یاد رہے یہ سبزیاں تیل یا گھی میں پکی ہوئی نہیں ہونی چاہیے- ان کو سوپ کی صورت میں لیا جا سکتا ہے یا پھر بیک کر لیں اس کے علاوہ سبزیوں کا استعمال آپ سلاد کی صورت میں بھی کر سکتے ہیں-

تیسرا دن سبزیوں اور پھلوں کا دن

تیسرے دن سبزیوں او پھلوں کو استعمال کیا جا سکتا ہے مگر یاد رہے کہ سبزیوں میں آلو اور پھلوں میں کیلے کا استعمال سختی سے منع ہے- ان کے علاوہ باقی تمام اشیا کا استعمال اپنی مرضی سے کیا جا سکتا ہے مگر ان کے ساتھ شکر وغیرہ کا استعمال قطعی منع ہے-

چوتھا دن دودھ اور کیلے کا دن

اس دن صبح ناشتے سے لے کر رات کے کھانے تک کیلے اور دودھ کے علاوہ اور کچھ نہیں کھانا ہے اس دن آپ تین گلاس تک دودھ پی سکتے ہیں اور اس کے علاوہ اس دن میں دس کیلے تک کھائے جا سکتے ہیں مگر ان کے علاوہ کچھ بھی اور کھانے سے پرہیز کریں-

پانچواں دن سفید گوشت کھائيں

اس دن آپ مرغی ، مچھلی وغیرہ کا گوشت کھا سکتے ہیں مگر ان کو آئل میں پکا کر کھانے سے پرہیز کریں- گوشت کے پارچے ٹماٹر کے ساس کے ساتھ پکا کر کھاۓ جا سکتے ہیں اس کے ساتھ اس دن میں پانی کا استعمال زیادہ سے زیادہ کریں تاکہ گوشت کھانے کے سبب پیدا ہونے والا یورک ایسڈ جسم سے خارج ہو سکے-

چھٹا دن سرخ گوشت اور سبزیوں کا دن

اس دن آپ کھانے میں سرخ گوشت اپنی پسند کی کسی بھی سبزی کے ساتھ پکا کر کھا سکتے ہیں مگر بہت زیادہ مقدار میں کھانے سے پرہیز کریں اور کھانے میں آئل کی مقدار بہت کم رکھیں اور زیادہ پانی کا استعمال ضرور کریں-

ساتویں دن چاول اور سبزیاں کھائيں

اس دن براؤن چاول اور بھاپ میں پکی ہوئی سبزیوں کا استعمال کریں اور اس کے ساتھ ساتھ سبزیوں کے جوس بھی پیے جا سکتے ہیں اور ان کے سوپ بنا کر بھی پیے جا سکتے ہیں-

آٹھویں دن اپنا وزن کریں اور اس کا موازنہ سات دن قبل کیے گئے وزن سے کریں اور حوصلہ افزا نتائج کو دوسرے لوگوں کے ساتھ بھی شئیر کریں-

< Previous لہسن متعدد قیمتی فوائد کا حامل NEXT > آنکھ میں کچھ چلا جائے تو ان آسان طریقوں سے اپنی آنکھ کو آرام پہنچائيں

Comments

16 Aug, 2020

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.