عورتیں مردوں کے مقابلے میں زیادہ صحت مند اور لمبی زندگی کیوں پاتی ہیں؟ ماہرین نے ایسی وجہ بتا دی کہ سب ہی حیران رہ گئے

عام طور پر دنیا بھر میں یہ دیکھا گیا ہے کہ عورتوں کے مقابلے میں مردوں میں شرح اموات زیادہ ہوتی ہے- یعنی عورتیں مردوں کے مقابلے میں زیادہ طویل عمر پاتی ہیں اور اس کے ساتھ ساتھ خطرناک اور موذی امراض میں مبتلا ہونے کی بھی عورتوں کی شرح مردوں کے مقابلے میں سے کافی کم ہوتی ہے- اس کو کچھ لوگ تو طرز زندگی میں فرق کو قرار دیتے ہیں- ان کے مطابق چونکہ عورتیں شراب نوشی اور تمباکو نوشی مردوں کے مقابلے یں کم کرتی ہیں اسی وجہ ان میں شرح اموات بھی مردوں کے مقابلے میں کم ہوتی ہے- مگر اب ماہرین کی جدید تحقیقات میں اس حوالے سے جو انکشافات سامنے آئے ہیں انہوں نے سب ہی کو حیران کر دیا ہے -

یونیورسٹی آف واٹر لو کے ماہرین کی ریسرچ کے مطابق خواتین کے جسم میں مردوں کے مقابلے میں آکسیجن کو جذب کر کے جسم کا حصہ بنانے کی صلاحیت مردوں کے مقابلے میں کافی زیادہ ہوتی ہے- جسم کے خلیات میں آکسیجن کی فوری فراہمی ان خلیات کو ٹوٹ پھوٹ سے محفوظ رکھتے ہیں اور ان کو بیماریوں کے خلاف مقابلہ کرنے کی طاقت فراہم کرتے ہیں -

اس تحقیق کے لیے ماہرین نے ایک ہی عمر اور صحت کے حامل 18 مردوں اور عورتوں کا انتخاب کیا اور ان کو ٹریڈ مل پر ایک خاص وقت کے لیے ایکسرسائز کا موقع فراہم کیا گیا- نتائج میں یہ دیکھا گیا کہ عورتوں کے جسم نے سانس کے ذریعے داخل ہونے والی آکسیجن کو مردوں کے مقابلے میں 30 فیصد زیادہ تیزی سے استعمال کیا اور اس کو خلیوں تک تیزی سے منتقل کیا جبکہ مردوں میں یہ صلاحیت کم تھی-

ماہرین کا اس حوالے سے یہ بھی کہنا ہے کہ آکسیجن کو جلد استعمال کرنے کی اس صلاحیت کی وجہ سے خواتین اگرچہ جسمانی طاقت کے کام مردوں کی طرح نہیں کر پاتی ہیں اور ان کا جسم مردوں کے مقابلے میں بظاہر کمزور نظر آتا ہے- مگر اس کی وجہ سے ان کے جسم کو ایسی طاقت حاصل ہو جاتی ہے جو کہ جسم کے اندرونی اعضا کو مختلف جان لیوا بیماریوں سے محفوظ رکھ کر طویل زندگی کا موقع فراہم کرتا ہے-

مگر اس کے حوالے سے ماہرین کا یہ بھی کہنا ہے کہ وہ اس بات کا حتمی سراغ لگانے میں ناکام رہے ہیں کہ خواتین کا جسم آکسیجن کو فوری طور پر کیوں استعمال میں لاتا ہے تاہم اس حوالے سے تحقیقات ابھی جاری ہیں-

< Previous لہسن متعدد قیمتی فوائد کا حامل NEXT > آنکھ میں کچھ چلا جائے تو ان آسان طریقوں سے اپنی آنکھ کو آرام پہنچائيں

Comments

23 Jul, 2020

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.