مہنگا آلوچہ چھوڑیں اور سستا جامن کھائیں اور وہی فائدے پائيں

جامن موسم گرما میں آنے والا ایسا پھل ہے جو کہ اپنی نزاکت کے سبب بہت کم وقت کے لیے آتا ہے اور جلد ہی موسم گزر جانے پر غائب ہو جاتا ہے مگر اس کے فوائد اتنے ہیں کہ اس پھل کا چھلکا گھٹلی گودہ ہر ہر چیز طبی اعتبار سے اپنے اندر فوائد کا خزانہ چھپائے ہوئے ہوتا ہے- اس وجہ سے ہر کوئی اس کے موسم میں اس کو کم از کم ایک بار ضرور استعمال کرے- اس کے مقابلے میں آلوچہ اگرچہ کافی فوائد کا حامل ہوتا ہے مگر ایک جانب تو اس کی قیمت بہت زیادہ ہوتی ہے اور دوسری جانب فوائد کے اعتبار سے وہ جامن کا مقابلہ نہیں کر سکتا ہے- آج ہم آپ کو اس کے مختلف حصوں کے وہ فوائد بتائيں گے جو مختلف بیماریوں میں بطور دوا استعمال کی جا سکتی ہیں-

1: جامن کا پھل
جامن کا پھل اپنے مزاج کے اعتبار سے سرد و خشک ہوتا ہے اس وجہ سے اس کا استعمال گرمی کے موسم میں بہت مفید ثابت ہوتا ہے

ذیابطیس کے مریضوں کے لیے
ذیابطیس کے مریضوں کے لیے ویسے تو تمام پھل بہت کم مقدار میں کھانے کا مشورہ دیا جاتا ہے- مگر جامن کے پھل کو یہ اعزاز حاصل ہے کہ معالجین نہ صرف اس پھل کو کھانے کا مشورہ دیتے ہیں بلکہ جامن کے ساتھ دیگر پھل بھی معمول سے اگر زيادہ مقدار میں کھا بھی لیۓ جائيں تو خون میں شو گر کی مقدار کو بڑھنے نہیں دیتا ہے-
 

بدہضمی کا خاتمہ کرتا ہے
بد ہضمی اور دست وغیرہ جو کہ گرمی کے موسم میں اکثر ہو جاتے ہیں ایسی صورت میں جامن کا استعمال ہاضمے کے عمل کو بہتر بنا کر دست روکتا ہے-

لو کے اثرات سے محفوظ رکھتا ہے
چونکہ یہ پھل سرد مزاج کا حامل ہوتا ہے اس وجہ سے شدید گرمی میں جب کہ لو لگنے یا ہیٹ اسٹروک کا خطرہ زیادہ ہوتا ہے ایسے وقت میں جامن کا استعمال جسم کو اس خطرے سے بچاتا ہے-

وزن کم کرنے میں مدد دیتا ہے
جامن کےاندر یہ خاصیت بھی موجود ہوتی ہے کہ یہ وزن کو گھٹانے میں بہت مددگار ثابت ہوتا ہے جن لوگوں کا وزن کم نہ ہو رہا ہو ان کو چاہیۓ کہ وہ ہر روز ایک پیالہ بھر کر جامن کا کھائيں اور اس سے وزن گھٹائيں-
 

منہ کے چھالوں کے لیے
جامن کا پھل منہ کے چھالوں کے لیے اور گلے کی خرابی کے لیۓ بھی بہت مفید ہوتا ہے اس سے مسوڑوں کی سوزش میں بھی آرام ملتا ہے-

کینسر سے بچاتا ہے
اس میں پولی فینول نامی ایک کیمیکل موجود ہوتا ہے جو ایسے خلیات کو بننے سے روکتا ہےجو کہ کینسر کا باعث بننے والے خلیات کو روکتا ہے اور کینسر کے خطرے سے بچاتا ہے-