اللہ تعالیٰ نے انسان کے جسم کو ایک پیچیدہ مشین کی طرح
بنایا ہے جس کے اندر اعصاب کی صورت میں باریک تاروں کا جال بچھا ہوا ہے جو
جسم کے ہر حصے کو ایک دوسرے سے منسلک کرتے ہیں اور ایک دوسرے پر اثر انداز
بھی ہوتے ہیں ۔ یہ اعصاب مختلف جگہوں پر ایک ساتھ جمع ہو کر پریشر پوائنٹ
بناتے ہیں یہ پریشر پوائنٹ بل واسطہ یا بلا واسطہ مختلف جسمانی حصوں پر نہ
صرف اپنا اثر ڈالتے ہیں بلکہ اس کی کارکردگی میں بھی بہتری کا باعث بن سکتے
ہیں- آج ہم آپ کو انسانی چہرے پر موجود ان پریشر پوائنٹ کے بارے میں بتائيں
گے جن کو دبانے سے بینائی کو بہتر بنایا جا سکتا ہے-
1: آنکھوں کے گرد حلقے
اپنی شہادت کی انگلی سے اپنی بھنوؤں سے لے کر حلقوں کی ہڈی تک گول دائرے کی
شکل میں چوبیس گھنٹوں میں صرف پانچ منٹ تک مساج کریں- اس مساج سے آنکھوں کو
خون پہنچانے والی نسوں میں دوران خون بہتر ہوتا ہے سر اور کاندھوں کے درد
میں آرام ملے گا اور بینائی میں بہتری آئے گی اس کے لیے اس مشق کو ایک ماہ
تک جاری رکھنا ضروری ہے- |
|
2: بھنوؤں کے درمیان
ہاتھ کی تیسری انگلی جس کو رنگ فنگر بھی کہتے ہیں اس سے پیشانی کے اوپر
دونوں بھنوؤں کے درمیان والی جگہ پر دباؤ ڈالیں اور اس جگہ پر سات سے آٹھ
منٹ تک دباؤ ڈالیں اور مساج کریں اس سے ایک تو سر درد میں افاقہ ہو گا اس
کے ساتھ ساتھ سانس لینے کا عمل بہتر ہو گا جب کہ بینائی پر بھی مثبت اثرات
مرتب ہوں گے-
|
|
3: ناک کی ہڈی کی پلیا پر
دونوں ہاتھوں کی شہادت کی انگلیوں سے ناک کی پلیا پر جو کہ دونوں بھنوؤں کے
درمیان نیچے کی جانب ہوتی ہے دباؤ ڈالیں اور اس سے دائرے کی شکل میں پانچ
منٹ تک مساج کریں اس سے آنکھوں کی سرخی دور ہوتی ہے آنکھوں کی تھکن میں
افاقہ ہوتا ہے اور سر درد سے بھی نجات ملتی ہے-
|
|
4: ناک کے نتھنوں کے قریب
دونوں ہاتھوں کی شہادت کی انگلی ناک کے دونوں جانب تصویر کے مطابق رکھ کر
اس کو ہلکے ہاتھوں سے دبائیں اور مساج کریں- اس جگہ دبانے سے بینائی میں
دھندلے پن سے نجات ملتی ہے اور بینائی صاف اور واضح ہو جاتی ہے اس کے ساتھ
ساتھ سانس لینے میں بھی آسانی ہوتی ہے-
|
|
5: آنکھ کے اندر والے کنارے پر
آنکھ کے اندر والے کنارے کو اپنی شہادت کی انگلی سے دبائیں اور آہستہ آہستہ
پانچ سے سات منٹ تک مساج کریں اس سے آنکھ کی جانب جانے والا دوران خون بہتر
ہوتا ہے جس سے بینائی صاف ہوتی ہے-
|
|
یہ تمام مشقیں روزانہ کی بنیاد پر کی جائیں اور ایک مہینے تک لگاتار کرنے
سے نہ صرف بینائی بہتر ہوتی ہے بلکہ کم ہوتی ہوئی بینائی میں بھی اضافہ
ہوتا ہے-
|