جادو اور زہر سے بچانے کا حل۔۔۔کھجور

ماہ رمضان میں جسے افطار پر لازم و ملزوم قرار دیا جاتا ہے وہ کھجور ہے۔۔۔لیکن سچ تو یہ ہے کہ اسے زندگی کا حصہ ہمیشہ کے لئے بنانا چاہئے۔۔۔

رسول اﷲ ﷺ نے فرمایا:
’’جو شخص صبح کے وقت سات کھجوریں عجوہ کھالے اس کو اس دن جادو اور زہر نقصان نہیں پہنچا سکتے‘‘ ( صحیح بخاری ، ح: ۵۷۷۹)

کھجور کے بارے میں تو ہمارے پیارے نبی ﷺ کا ارشاد ہے کہ یہ پھل جنت سے ہے اور اس میں زہر سے شفا ہے۔۔۔

کھجور کو خوشی کا پھل بھی کہا جاتا ہے۔۔۔یہی وجہ ہے کہ قدیم زمانے سے ہی اسے بطور میٹھے کے طور پر استعمال کرنے کا رواج عام تھا۔۔۔

کھجور کھانے سے دل کے کئی امراض سے شفا ملتی ہے اور امراض دور ہوجاتے ہیں۔۔۔چند کھجوروں کو رات بھر پانی میں بھگو کر صبح نہار منہ ہفتے میں دو بار کھائیں اور اس سے دل کو ایسا سکون ملے گا جو آپ کو بیماری سے نجات بھی دلائے گا۔
 

یہ قبض کشا ہے۔۔۔جن لوگوں کی انتڑیاں کام نہیں کرتیں ان کو کھجور کھلانا بہت فائدہ مند ہے۔۔۔یہ قبض کو نا صرف ختم کرتی ہے بلکہ آنتوں کو بھی متحرک کرتی ہے۔۔۔

وہ لوگ جو اپنا وزن بڑھانا چاہتے ہیں ان کے لئے یہ ایک بہترین ذریعہ ہے۔۔۔اگر دودھ میں ملا کر اس کا شیک پیئں تو کچھ ہی دنوں میں وزن میں اضافہ ہونا شروع ہوجائے گا۔۔۔

کھجور کے درخت سے ایک گوند نکلتی ہے جو آنتوں، گردوں اور پیشاب کی نالیوں کی سوزش کو دور کرنے کے لئے بہترین ہے۔۔۔
 

اگر آپ مستقل کھجور کھاتے ہیں تو منہ کی بدبو سے نجات مل جائے گی۔۔۔

لوگوں کو لگتا ہے کہ اس کی تاثیر گرم ہے لیکن اس کا حقیقت سے کوئی تعلق نہیں۔۔۔اس کی تاثیر ٹھنڈی ہے لیکن اس کو کھانے کے لئے کچھ باتوں کا خیال بھی رکھنا ضروری ہے۔۔۔جن لوگوں کو نظام ہاضمہ میں تکلیف ہے وہ اس کی مقدار کو بہت زیادہ نہ لیں۔۔۔

رمضان میں سحری میں اگر آپ دو کھجوریں اور دودھ کا گلاس پئیں گے تو یہ ایک طاقتور سحری ہوگی۔