حالیہ دنوں میں خود کو کرونا وائرس کے حملے سے محفوظ رکھنے کے لیے کچھ کام
ماہرین کے مطابق ضروری قرار دیے گئے ہیں جن میں سے ایک ماسک کا استعمال بھی
ہے ۔ اب جب کہ کورونا وائرس کے پھیلاؤ کے سبب ان کو وبائی مرض قرار دیا جا
چکا ہے اور دنیا بھر میں اس کا تیزی سے پھیلاؤ ہو رہا ہے ایسی صورتحال میں
ماہرین کے مطابق سرجیکل ماسک اور این 95 ماسک چونکہ ان حالات میں کمیاب ہو
چکے ہیں- اس لیے ان کو میڈیکل کے شعبے سے وابستہ افراد کے استعمال کے لیے
چھوڑ دینا چاہیے اور عام افراد اپنی نقل و حمل کے دوران کپڑے کے ماسک کا
استعمال کرنا چاہئیں-
ماسک کے لیے کس کپڑے کا استعمال کرنا چاہیے
امریکہ کی یونی ورسٹی آف شکاگو کی نے اس حوالے سے کافی تحقیق کی کہ کس قسم
کا کپڑا ماسک کی تیاری کے لیے استعمال کرنا چاہیے جو کہ کرونا وائرس کے
حملے سے محفوظ رہنے میں مددگار ثابت ہو سکے-
ماسک کے لیے بہترین کپڑا
سائنسدانوں کے نزدیک کاٹن، سلک، شیفون وغیرہ ایسے کپڑے ہوتے ہیں جو کہ اسی
فی صد تک وائرس سے محفوظ رکھنے میں کارآمد ثابت ہو سکتے ہیں- جبکہ ان کے
مقابلے میں کچھ ایسے بھی کپڑے ہوتے ہیں جن کے اندر درمیانی سوراخ اتنے
باریک ہوتے ہیں کہ ان کی وائرس سے محفوظ رکھنے کی استعداد نوے فی صد ہو
سکتی ہے- اس کے لیے سائنسدان نائلون کے کپڑے کے استعمال کا مشورہ بھی دیتے
ہیں-
|