رمضان کے بہانے وزن گھٹائيں، اس ڈائٹ پلان پر عمل کر کے ایک مہینے میں وزن گھٹائيں

رمضان کے مہینے کو رحمتوں اور برکتوں والا مہینہ قرار دیا جاتا ہے اور اب تو سائنس بھی اس بات کو تسلیم کرنے کے لیے تیار ہو گئی ہے کہ ایک مہینے کے روزے انسانی جسم اور صحت پر بہت مثبت اثرات مرتب کرتے ہیں اور انسان کینسر جیسے موذی مرض سسے صرف روزہ رکھنے سے محفوظ رہ سکتا ہے- اس کے ساتھ ساتھ روزے سے جہاں صحت کو دیگر بہت سارے فوائد حاصل ہوتے ہیں وہیں پر اس سے موٹے افراد بھی فائدہ اٹھا سکتے ہیں اور اس خاص ڈائٹ پلان پر عمل پیرا ہو کر رمضان کے اختتام تک اسمارث اور خوبصورت ہو سکتے ہیں-

ڈائٹ پلان
اس ڈائٹ پلان پر عمل پیرا ہونے سے قبل اس بات کو یاد رکھیں کہ دن میں روزہ اور افطار میں بہت زیادہ تلی ہوئی اشیا کا استعمال آپ کے پتلے ہونے کے خواب کو کبھی بھی شرمندہ تعبیر نہیں کر سکتے ہیں- اس لیے آپ کو ایسی بہت ساری چیزوں سے پرہیز کرنا پڑے گا جو دیکھنے میں تو بہت لذیز مگر اثرات کے اعتبار سے آپ کے لیے بہت خوفناک ثابت ہو سکتی ہیں- اس لیے تلی ہوئی اشیا سے اور میٹھی اشیا سے خاص طور پر پرہیز کرنا چاہیے-
 

1: افطار
آپ کا افطار چار مرحلوں پر مشتمل ہوگا اور یہ افطار آپ کی غذائی ضروریات تو لازمی طور پر پوری کرے گا مگر اس کے ساتھ آپ کے وزن میں بھی خاطر خواہ کمی کا باعث بنے گا-

پہلا مرحلہ : اس مرحلے میں آپ تین کھجوریں کھائيں گے اور اس کے ساتھ پانی کا صرف ایک گلاس پئيں گے-

دوسرا مرحلہ : کسی بھی سبزی کا یا چکن کا سوپ بنا لیں اور اس کو افطار کھولنے کے بعد ایک پیالہ پی لیں یاد رکھیں اس سوپ میں کسی قسم کی کریم کا استعمال نہ کیا جائے اس کو لذيذ بنانے کے لیے اس میں مختلف ساسز شامل کی جا سکتی ہیں-

تیسرا مرحلہ: بھوک بڑھانے والی اشیا کا استعمال تیسرے مرحلے میں کیا جائے ان اشیا میں رسیلے پھل یا پھر سبزیوں کی سلاد خاص طور پر اہم ہوتی ہے اس کو کھانے سے ایک تو آپ کے معدے کو طاقت ملے گی- دوسرا اس کی اشتہا میں اضافہ ہو گا اور اس کے ساتھ ساتھ یہ سبزیاں آپ کے جسم کی بنیادی ضرورت کو پورا کریں گی-

چوتھا مرحلہ :کھانا کھائيں اس مرحلے میں آپ کوئی بھی ایک ڈش بنا سکتے ہیں جو کہ چاول بھی ہو سکتے ہیں یا پھر گوشت اور سبزي بھی ہو سکتی ہے اس کا انتخاب کرتے ہوۓ اس بات کا خیال رکھیں کہ وہ سادہ کھانے کی صورت میں ہونی چاہیے اور اس میں بہت زیادہ چکنائی کا استعمال نہیں ہونا چاہیے ہے-
 

افطار کے بعد کھانا
عام طور پر لوگ افطار کے بعد رات گئے ہلکی پھلکی بھوک محسوس کرتے ہیں ایسی صورتحال میں فاسٹ فوڈ وغیرہ سے سختی سے پرہیز کرنا ہے اور اس صورتحال میں پھل یا سلاد کا استعمال کرنا ہے جو کہ نہ صرف صحت بخش ہوتے ہیں بلکہ وزن میں کمی کا بھی باعث بنتے ہیں-

سحری
سحری عام طور پر اذان سے آدھے گھنٹے قبل کرنی چاہیے اس میں دودھ اور دہی کا استعمال کیا جا سکتا ہے- اس کے علاوہ جو کا دلیہ بھی لیا جا سکتا ہے یا پھر روٹی کو کسی سبزی یا دہی کے ساتھ کھایا جا سکتا ہے- مگر پراٹھوں سے سختی سے پرہیز کرنا ہے اس کے علاوہ کھجلہ پھینی وغیرہ بھی نہیں کھانے ہیں کیوں کہ یہ اشیا بھی چکنائی سے بھو پورہوتی ہیں-

ایک مہینہ ان ہدایات پر عمل کر کے ایک جانب تو آپ وزن میں واضح کمی محسوس کریں گے اس کے ساتھ ساتھ مناسب اور متوازن غذا کی صورت میں کسی بھی قسم کی کمزوری کا بھی شکار نہیں ہوں گے-