ماہرین کے مطابق ٹھنڈے پانی کے بجائے گرم پانی صحت کے لیے کس طرح مفید ثابت ہو سکتا ہے؟

ٹھنڈا پانی پینا ماہرین کی نظر میں کسی بھی حوالے سے صحت کے لیے مفید نہیں ہے ٹھنڈا پانی پینے کا ایک جانب تو کوئی فائدہ نہیں ہوتا ہے اور دوسری جانب اس کے بہت سارے ایسے نقصانات ہو سکتے ہیں جو کہ انسان کو خطرناک بیماریوں میں مبتلا کرنے کا باعث بن سکتے ہیں- اس لیے ماہرین صحت کے مطابق گرم پانی یا عام درجہ حرارت والا پانی پینا انسانی صحت کے لیے بہت مفید ہوتا ہے اور بہت سارے فوائد کا بھی حامل ہوتا ہے-

1: گلے اور سانس کی نالی کو صاف کرتا ہے

گرم پانی جو کہ جسمانی درجہ حرارت سے مطابقت رکھتا ہے جب گلے اور سانس کی نالی میں داخل ہوتا ہے تو اس کے مناسب درجہ حرارت کی وجہ سے نسیں سکڑتی نہیں ہیں- اور گلے میں موجود سوزش کا خاتمہ ہوتا ہے اور گلے میں موجود جراثیم بیکٹیریا اور وائرس وغیرہ سب گلے سے صاف ہو جاتے ہیں اور گلے کو سوزش سے نجات مل جاتی ہے-

2: قبض کا خاتمہ کرتا ہے

قبض بہت ساری بڑی بیماریوں کی جڑ کے طور پر پہچانی جاتی ہے اور اس کے علاج کے طور پر ڈاکٹر وافر مقدار میں پانی پینے کا مشورہ دیتے ہیں- نہار منہ ایک گلاس نیم گرم پانی پینے سے قبض سے آسانی سے نجات حاصل ہوتی ہے-

3: میٹابولزم کے عمل کو بہتر بناتا ہے

جسم کے اندر میٹا بولزم کا عمل اس کی صحت کے لیے بہت ضروری ہوتا ہے اس عمل میں پرانے خلیات ٹوٹتے ہیں اور نئے خلیات بنتے ہیں اور اس عمل میں توازن انسانی صحت کے درست ہونے کے لیے بہت ضروری ہوتا ہے-

4: عمر بڑھنے سے روک لیتا ہے

گرم پانی پینے کا یہ بھی بہت حیرت انگیز پہلو ہے کہ اس کو پینے والے دیر سے بوڑھے ہوتے ہیں کیوں کہ گرم پانی جسم میں سے زہریلے مادوں کو خارج کرنے کا سبب بنتا ہے- جس کی وجہ سے جسم چاک و چوبند رہتا ہے اور عمر کے برے اثرات چہرے پر مرتب نہیں ہوتے ہیں-

4: عمر بڑھنے سے روک لیتا ہے

گرم پانی اعصاب اور دماغ کو پر سکون کر دیتا ہے اور ان کو آرام پہنچاتا ہے جس کی وجہ سے شدید ترین درد کی حالت میں بھی چند گھونٹ گرم پانی اعصاب کو پر سکون کر کے درد کو کم کرنے کا باعث بنتا ہے-

یاد رکھیں!

گرم پانی پینے کا قطعی یہ مطلب نہیں ہے کہ ابلتا ہوا چائے کی طرح کا گرم پانی پیا جائے بلکہ اس سے مراد ایسے درجہ حرارت کا پانی ہے جو کہ عام کمرے کے درجہ حرارت کے مطابق ہو اس کے ساتھ ساتھ گرم پانی اپنے اندر ایسا بھی کوئی جادو کا اثر نہیں رکھتا کہ انسان ڈاکٹر کے پاس جانے کے بجائے صرف گرم پانی پینے پر اکتفا کرنا شروع کر دیا- تاہم یہ ان تمام تکالیف کی شدت کو کم کر کے اس میں آسانی فراہم کرتے ہیں-

< Previous لہسن متعدد قیمتی فوائد کا حامل NEXT > ایسی 9 وجوہات جو آنکھوں کے نیچے حلقوں بنانے باعث بنتی ہیں

Comments

02 Apr, 2020

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.