|
عام طور پر گرمی کے موسم کی آمد کے ساتھ ہی کھانے کے دسترخوان پر کھانے کی
دیگر اشیا کے ساتھ دہی کی موجودگی لازمی تصور کی جاتی ہے- یہ موجودگی کبھی
تو لسی کی صورت میں ہوتی ہے اور کبھی چٹنیوں کی صورت میں اس کے ساتھ ساتھ
کافی لوگ دہی کو سادہ کھانا بھی پسند کرتے ہیں- اور ایسا اس کی لذت کے ساتھ
ساتھ فوائد کی وجہ سے بھی کیا جاتا ہے- مگر ہم میں سے بہت سارے لوگ ایسے
بھی ہیں جو دہی کے حقیقی فوائد سے لاعلم ہونےکے باوجود اس کو کھانا پسند
کرتے ہیں اور اس کے بغیر ان کا کھانا ادھورا سمجھا جاتا ہے دہی کے اہم
فوائد کے حوالے سے آج ہم آپ کو بتائيں گے-
1: ہڈیوں کو مضبوط کرتا ہے
ایک پیالہ دہی کے اندر کیلشیم اور وٹامن ڈی کا خزانہ پوشیدہ ہوتا ہے جو کہ
ہڈیوں کو نہ صرف کمزور ہونے سے بچاتا ہے بلکہ اس کی طاقت اور مضبوطی میں
بھی اضافہ کرتا ہے اور اس کے ساتھ ساتھ جوڑوں کی بیماری سے بھی بچاتا ہے-
2: جلد ہضم ہو جاتا ہے
دنیا کے بہت سارے افراد لیکٹوز سے الرجک کے سبب دودھ کا استعمال نہیں کر
سکتے ہیں مگر دہی کے اندر ایسے خامرے موجود ہوتے ہیں جو کہ لیکٹوز کی الرجک
کا خاتمہ کرتے ہیں- لہٰذا ایسے افراد جو دودھ نہیں استعمال کر سکتے ہیں
دودھ کی کمی کو دہی کھا کر پورا کر سکتے ہیں- اور دہی جلد ہضم ہوجانے والی
غذا بھی تصور کیا جاتا ہے-
|
|
3: بلڈ پریشر کو کم کرتا ہے
دہی میں کیلشیم کے ساتھ ساتھ میگنیشیم کی بھی بڑی مقدار موجود ہوتی ہے جو
کہ ہائی بلڈ پریشر کے مریضوں کے لیے بہت مفید ہوتی ہے اور بلڈ پریشر کو کم
کرنے کا باعث بنتی ہے-
4: جلد کے لیے بہترین ہوتا ہے
دہی میں لیکٹک ایسڈ موجود ہوتا ہے جو کہ مردہ خلیات کو ختم کر کے نیۓ خلیات
بنانے کا باعث بنتا ہے- اس لیے اس کو کھانے کے ساتھ ساتھ چہرے پر لگانے سے
بھی جلد کی چمک دمک میں اضافہ ہوتا ہے-
5: وٹامن سے بھرپور غذا ہے
دہی ایک غذائیت سے بھرپور غذا ہے اس میں پوٹاشیم ، فاسفورس وٹامن بی 5، زنک
،آئيوڈین کی بڑی مقدار موجود ہوتی ہے- اس کے ساتھ ساتھ دہی میں وٹامن بی 12
بھی موجود ہوتا ہے جو کہ جسم میں ریڈ سیلز کی مقدار کو متوازن رکھتا ہے اس
کے ساتھ ساتھ دماغ کو بھی طاقت فراہم کرتا ہے-
|
|
6: قوت مدافعت کو بڑھاتا ہے
دہی کے اندر ایسے خامرے موجود ہوتے ہیں جو کہ جسم کے اندر وائٹ سیلز کو
بیماریوں سے لڑنے کی طاقت فراہم کرتے ہیں اور قوت مدافعت میں اضافہ کرتا ہے-
7: معدے کے جملہ امراض کے لیے بہترین ہے
معدے کی کسی بھی قسم کی کمزوری جو خواہ قبض کی صورت میں ہو یا ڈائریا کی
صورت میں ان تمام امراض کے لیے دہی بیک وقت مفید ہے- اس کے ساتھ ساتھ یہ
معدے کی دیواروں کو مضبوط کر کے اس کو طاقت فراہم کرتا ہے-
8: وزن میں کمی کا باعث ہوتا ہے
دہی میں کیلشیم کی موجودگی کے سبب اس کو کھانے سے جسم میں موجود جمع شدہ
چکنائی کا استعمال ہوتا ہے جس سے وزن میں کمی واقع ہوتی ہے
|