صرف چند منٹوں کے مساج سے بند ناک کھولیں اور سکون پائیں

جن لوگوں کو بند ناک کی شکایت ہوتی ہے وہ اس اذیت کو محسوس کر سکتے ہیں جو کہ ناک کے بند ہونے پر ان کو محسوس ہوتی ہے- ناک کے بند ہونے کے سبب سر میں ہونے والے درد اور بھاری پن کو برداشت کرنا آسان نہیں ہوتا ہے- اس کے ساتھ ناک کے بند ہونے کی وجہ سے منہ سے سانس لینا پڑتا ہے جس کی وجہ سے گلا خشک ہو جاتا ہے اور گلے کا درد بھی شروع ہو جاتا ہے اتنی بے سکونی کے سبب بند ناک کا مریض ہر ممکن کوشش کرتا ہے کہ کسی بھی طرح اس کا بند ناک کھل جائے- آج ہم آپ کو اس حوالے سے کچھ آسان تراکیب سے آگاہ کریں گے-

1: بھنوؤں کی درمیانی جگہ پر مساج کریں
اپنی دونوں بھنوؤں کی درمیانی جگہ پر انگوٹھے سے ہلکے ہاتھوں سے ایک منٹ تک مساج کریں اس مساج سے ناک کے اندر موجود خشکی کا خاتمہ ہوتا ہے اور سانس کی نالی میں موجود سوجن کا خاتمہ ہوتا ہے- جس سے بند ناک کھل جاتا ہے اور یہ سانس کی نالی کے اوپر سے دباؤ کا بھی خاتمہ کرتا ہے -

2: ناک کی دونوں جانب مساج کریں
ناک کی دونوں جانب اپنی شہادت کی انگلی اور درمیانی انگلی سے ایک سے دو منٹ تک اس طرح مساج کریں کہ آپ کی انگلیاں اوپر کی جانب دائرہ بناتی جائيں اس سے بند ناک کو کھلنے میں کافی مدد ملتی ہے-

3: ناک اور ہونٹوں کے درمیانی جگہ پر مساج
ناک اور ہونٹوں کی درمیانی جگہ پر دو سے تین منٹ تک مساج کرتے رہیں اس سے ناک کے اندر موجود سوزش کا خاتمہ ہوتا ہے اور سانس لینے میں آسانی ہوتی ہے-

4: ناک کی اندرونی سطح کو نم کریں
عام طور پر ناک کے بند ہونے کا سبب ہوا میں نمی کے تناسب میں کمی بھی ہوتی ہے اس وجہ سے ناک کی اندرونی سطح کو سادہ پانی یا تیل سے نم کریں اس سے بند ناک کھل جاتا ہے-

5: ناک کی اوپری سطح کو گرم کریں
کسی بھی کپڑے کو مناسب حد تک گرم کریں یا پھر گرم پانی میں بھگو کر اس کو ناک کے اوپر رکھنے سے بھی ناک کے اندر جما ہوا ریشہ پگھل جاتا ہے جس سے بند ناک کھل جاتا ہے-

6: ورزش کریں
اگر کسی الرجی کی وجہ سے ناک بند ہو گیا ہے تو اس کے علاج کا آسان طریقہ یہ ہے کہ دس سے پندرہ منٹ تک ورزش کریں- جس سے ایک جانب تو دل کی دھڑکن تیز ہو گی اور سانس تیز ہوگا جب کہ اس سے ناک کے اندر ریشہ بھی پگھل جائے گا جس سے سانس لینے میں آسانی ہو گی-