|
(تحریر: ڈاکٹر تنویر سرور)
مسمی کا تعلق بھی ترشادہ پھلوں کے خاندان سے ہی ہے اور یہ بھی مالٹے کی ایک
خاص قسم ہے جس میں اﷲ تعالیٰ نے کئی فوائد رکھے ہوئے ہیں- آج ہم ان فوائد
کو جاننے کی کوشش کریں گے یہ پھل ترش خاندان سے تعلق ضرور رکھتا ہے لیکن اس
میں کٹھاس نہیں ہوتی بلکہ یہ میٹھا ہوتا ہے لیکن میٹھا بھی اس میں برائے
نام ہی ہوتا ہے-
اس لیے اس پھل کو مریض استعمال کر سکتے ہیں کیونکہ یہ بیماری کے بعد ہونے
والی کمزوری کو دور کرتا ہے اور آپ کے جسم کو توانائی مہیا کرتا ہے اس کے
علاوہ اگر آپ مسمی کا جوس نکال کر بیمار شخص کو پلائیں تو بھی اسے تندرستی
حاصل ہو گی۔
مسمی میں کاپر،پوٹاشیم،آئرن ،کیلشیم اور وٹامن سی کافی مقدار میں موجود
ہوتا ہے ماہرین طب کے مطابق اس کا مزاج گرم تر ہے مسمی لاغر افراد کے لئے
کسی نعمت سے کم نہیں ہے اس کے علاوہ ایسے افراد جن میں جگر کی گرمی ہو وہ
بھی اس کا رس نکال کر پی سکتے ہیں۔ اگر آپ دن میں چھ مسمی کھا لیں تو سارا
دن آپ کو بھوک نہیں لگے گی اس کے علاوہ مسمی کا کھانا پھوڑے پھنسیوں کا
خاتمہ کرتا ہے اور خارش میں بھی اس کا کھانا اکسیر کا درجہ رکھتا ہے۔
|
|
مسمی کھانے سے نظر بہتر ہو جاتی ہے نظر کی کمزوری دور ہوتی ہے اس کے علاوہ
مسمی عمر میں اضافے کا سبب بھی بنتی ہے- مسمی کا جوس پینے سے کھانسی کو
آرام ملتا ہے مسمی کا جوس پینے سے بخار میں یا بعد کی کمزوری دور ہو جاتی
ہے مسمی گلے کی سوزش ،نزلہ و زکام اور سردیوں میں ہونٹ پھٹ جانے سے ہمیں
محفوظ رکھتی ہے اگر کسی کو قبض کی شکائت ہو تو وہ مسمی کے جوس میں تھوڑا سا
نمک ڈال کر لے قبض فوراً دور ہو جائے گی۔
اس میں موجود پوٹاشیم کی وجہ سے یہ ڈائیریا،اسہال اور پیچش میں مفید ہوتی
ہے اس کے علاوہ قے اور متلی سے بھی بچاتی ہے۔اگر کسی کو خون والا پاخانہ آ
رہا ہو تو اسے مسمی کھلائیں خون آنا بند ہو جائے گا۔مسمی میں مٹھاس کم ہونے
کی وجہ سے یہ ذیابیطس کے مریضوں کے لئے کسی تحفہ سے کم نہیں-
اس میں ذیابیطس کا علاج بھی ہے دو چمچ مسمی کا جوس ،چار چمچ آملہ کا جوس
اور ایک چمچ شہد ملا کر نہار منہ لینے سے ذیابیطس کے مرض میں افاقہ ہوتا
ہے۔اگر منہ کا کینسر ہو تو مسمی کے جوس کو گرم پانی میں ملا کر لینے سے
آرام ملتا ہے اگر متواتر مسمی کا استعمال کیا جائے تو یہ دل کے امراض میں
فائدہ مند رہتی ہے کیونکہ مسمی شریانوں میں خون کے بہاؤ کو رواں رکھتی ہے ۔
|
|
موٹاپے کو دور کرنے میں بھی مدد کرتی ہے کیونکہ اس میں کیلوریز اور فیٹ کم
ہوتے ہیں ۔اگر مسمی کے جوس میں شہد ملا کر لیا جائے تو یہ آپ کی چربی کو کم
کرے گی۔حاملہ خواتین بھی مسمی کا رس ضرور لیا کریں کیونکہ اس میں کیلشیم کی
وافر مقدار موجود ہے جو بچے اورماں دونوں کے لئے فائدہ مند ہے۔مسمی پیشاب
آور بھی ہے مسمی کا جوس بلڈ پریشر اور کولیسٹرول کمی سطح کو نارمل رکھتا ہے
۔
|