|
دانت ہمارے چہرے کی خوبصورتی میں اضافہ کرتے ہیں دلکش مسکراہٹ دانتوں کی
محتاج ہے دانتوں کی صحت کے لئے آپ اپنے دانت ہر کھانے کے بعد صاف کریں اگر
ایسا ممکن نہ ہو تو کم از کم دن میں دو دفعہ صبح اور شام کو سونے سے پہلے
دانت صاف کرنے کا اپنا معمول بنا لیں دانتوں کو ہمیشہ کسی اچھی کمپنی کے
برش اور ٹوتھ پیسٹ سے صاف کریں۔
اگر ان میں درد ہو جائے تو پھر غذا کا استعمال کرنا ہمارے لئے ناگزیر ہے۔
آپ سال میں ایک بار اپنے ڈاکٹر سے رابطہ ضرور کر لیا کریں۔دانت کے درد کی
کوئی بھی وجہ ہو سکتی ہے زیادہ تر دانت میں کیڑا لگنے کی ، مسوڑوں میں
ورم،دانت کی جڑ میں کسی قسم کا نقص کا پڑنا یا دانت ہلتے ہوں یہ سب بھی
دانت کے درد کی وجہ بن سکتے ہیں-
|
|
دانتوں کی سب سے بری بیماری پائیوریا ہے اس بیماری کی وجہ سے دانتوں سے خون
آتا ہے اور مسوڑوں میں پیپ بھر جاتی ہے خون اور پیپ ہمارے کھانے میں شامل
ہو کر جسم میں داخل ہو جاتی ہے جس کی وجہ سے ہمیں اور کئی بیماریوں سے
واسطہ پڑ سکتا ہے اگر پائیوریا کا بروقت علاج نہ کیا جائے تو اس سے منہ میں
پھوڑے بن جاتے ہیں ۔
ویسے تو ہر کھانے کے بعد دانتوں کی صفائی ضروری ہے لیکن اگر آپ پھلوں کا
جوس پیتے ہیں تو آپ کو دانت ضرور صاف کرنے چاہئیے۔ اگر آپ ایسا نہیں کرتے
تو دانتوں اور مسوڑوں کی بیماریوں سے متاثر ہوں گے۔ میٹھی چیز کھانے کے بعد
بھی دانتوں کی صفائی ضروری ہے ۔
٭خون کو روکنے کے لئے شہد اور زیتوں کے تیل کو ملا کر دانتوں پر ملیں۔اگر
دانت میں درد محسوس ہو تو ادرک کا ایک ٹکڑا لے کر اس پر نمک لگا کر درد
والی جگہ پر رکھیں آرام آ جائے گا۔
|
|
٭لونگ کا تیل دانتوں کے لئے بے حد مفید ہے اگر دانت صاف کرتے وقت برش پر
چند قطرے لونگ کے تیل کے ٹپکا کر دانت صاف کئے جائیں تو دانت نہ صرف صاف
بلکہ چمکدار بھی ہو جائیں گے۔لونگ کے مسلسل استعمال سے دانتوں میں لگے
کیڑوں سے بھی نجات مل جاتی ہے یا پھر لونگ کا تیل بھی استعمال کر سکتے ہیں
روئی لے کر تیل میں ڈبو کر درد والی جگہ رکھ لیں جلد آرام آ جائے گا-
٭دانت درد کی صورت میں گھر میں لہسن ہوتا ہے اسے چھیل کر گرم کریں اور پھر
اس کو دانت درد والی جگہ پر رکھ دیں-
٭ادرک کا ایک چھوٹا ٹکڑا لے کر اس پر نمک لگا کر بھی دانت درد سے چھٹکارا
حاصل کیا جا سکتا ہے-
٭امرود کے پتے ابال کر کلیاں کرنے سے بھی درد میں افاقہ ہوتا ہے-
٭تھوڑی سی کلونجی ابال کر اس میں شہد ملا کر کلیاں کریں دانت درد کم ہو
جائے گا-
٭مسوڑوں میں سوجن ہو تو سرسوں کے تیل میں نمک ملا کر رات کو لگا لیں ۔
|