ہم سب کے اندر غیر معمولی عادات موجود ہیں جو ہم اپنے
دوستوں، خاندان کے سامنے کرنا پسند نہیں کرتے ہیں. کیونکہ ہم ایسا سمجھتے
ہیں کہ یہ عادات غلط ہیں اور لوگوں کو اچھی نہیں لگیں گی جس کی وجہ سے
ہماری شخصیت پر منفی اثرات مرتب ہوں گے- لیکن کیا آپ یہ جانتے ہیں کہ بظاہر
بری دکھائی دینے والی چند عادات دراصل ہمارے لیے اچھی ہیں ۔ دلچسپ بات یہ
ہے کہ پاکستانی معاشرے میں یہ عادات عام پائی جاتی ہیں- |
ناخن چبانا
یہ عادت تو عموماً بہت سے لوگوں میں پائی جاتی ہے۔ اور اگر یہ عادت آپ کے
اندر بھی موجود ہے تو یقیناً بچپن میں آپ نے بھی اپنی والدہ سے اس عادت کی
وجہ سے خوب مار کھائی ہوگی ۔کچھ لوگ ایسے بھی ہیں جو ذہنی دباؤ کا شکار
ہوکر اپنے ناخن چباتے ہیں ۔ اس عادت کا شمار تو بری عادت میں کیا جاتا ہے
مگر اس کے اثرات آپ کے لیے اچھے ثابت ہوتے ہیں ۔ کیونکہ جب آپ ناخن چباتے
ہیں تو کئی بیکٹیریا آپ کے جسم میں داخل ہوجاتے ہیں- اس کے سبب آپ کا
مدافعتی نظام سفید خلیے تعمیر کرتا ہے جس سے آپ کا مدافعتی نظام مضبوط
ہوجاتا ہے-
|
|
ببل گم
ببل گم تو اکثر افراد کھاتے ہیں لیکن کچھ لوگ ببل گم کو مسلسل چباتے دکھائی
دیتے ہیں کیونکہ یہ ان کی عادت بن چکی ہوتی ہے ۔ سائنسدانوں نے ثابت کیا ہے
کہ ببل گم آپ کے دباؤ کو کم کرتی ہے اور یہ آپ کے دماغ کو تیز کرتی ہے۔ یہ
ایک قسم کی ورزش بھی کہلاتی ہے ۔ تو اس طرح سے یہ عادت بھی آپ کے لیے اچھی
ہی ثابت ہوئی ہے ۔
|
|
کافی
دنیا میں کئی ایسے افراد موجود ہیں ۔ جو کافی کے عادی ہوتے ہیں ۔ سردی ہویا
گرمی لیکن کافی ان کی زندگی ہوتے ہے۔ لوگ بولتے رہ جاتے ہیں کہ کافی صحت کے
لیے ٹھیک نہیں لیکن کافی کا عادی شخص کسی کی ایک نہیں سنتے اور دن بھر میں
کافی کے کئی کپ پی جاتے ہیں ۔ لیکن ان کی یہ عادت بھی انھیں فائدہ دیتی ہے۔
کیونکہ کافی آپ کو کینسر اور دل کے دورے سے بچاتی ہے ۔ اور یہ آپ کا ڈپریشن
ختم کرتی ہے ۔
|
|
شور مچانا
شور مچانا بھی لوگوں کی عادتوں میں شامل ہوتا ہے۔ کسی کے اوپر غصے میں
چیخنا کچھ نہ ملنے کی صورت میں شور بجانا اور سب کا تنگ کر کے رکھ دینا بھی
ایک بری عادت کی نشانی ہے لیکن ایسا کرنے سے انسان کے اندر موجود اسٹریس
باہر نکلتا ہے جو انسانی صحت کے لیے مفید ہے۔
|
|
ڈکار مارنا
ڈکار مارنا تو مزاحی عادتوں میں سے ایک ہے ۔ کچھ لوگ کھاتے یہ کام سر انجام
دیتے ہیں ۔ اور آس پاس بیٹھے لوگ حیرانی سے انھیں گھورتے ہیں ۔اور بتاتے
ہیں کہ یہ ایک بری عادت ہے ۔ لیکن کیا کیا جائے عادت تو پھر عادت ٹہری ۔
لیکن یہ عادت بھی تقصان دہ نہیں کیونکہ ڈکار مارنے سے آپ کا ہاضمہ بہتر
رہتا ہے اور اس کے ذریعے بھی آپ کے اندر کا ڈپریشن باہر آجاتا ہے ۔
|
|
نہانا
کچھ لوگ ضرورت سے زیادہ نہاتے ہیں ۔ یعنی دن میں کئی بار کیونکہ ان کی عادت
ہوتی ہے بار بار شاور لینے کی گھر والوں کے لیے تو یہ بری بات ہے لیکن وہ
لوگ جن کی یہ عادت ہے ان کے لیے اچھا ہے وہ پاؤں پر فنگل کی بیماریوں میں
مبتلا نہیں ہونگے ۔
|
|