سردیوں میں خشک جلد کے لیے 5 قدرتی موئسچرائزر

موسمِ سرما میں خواتین کا سب سے بڑا مسئلہ خشک جلد ہوتی ہے- اس موسم میں اپنی جلد کو خشکی سے بچانے اور اسے نرم و ملائم رکھنے کے لیے خواتین کئی قسم کی کریمیں یا ٹوٹکے استعمال کرتی ہیں- لیکن ہم آپ کو سردیوں میں خشک جلد سے بچاؤ کے لیے چند ایسے قدرتی موئسچرائزر بتائیں گے جنہیں آپ باآسانی گھر پر تیار کرسکتی ہیں-
 

شہد :
شہد کھانے کے علاوہ جلد کی نمی کے لئے بھی استعمال کیا جاسکتا ہے ۔ شہد جلد کے لئے ایک بہترین موئسچرائزر کے طور پر جانا جاتا ہے ۔

طریقہ :
شہد اور دودھ دو، دو کھانے کے چمچ لے کر آپس میں اچھی طرح ملا کر پیسٹ بنالیں ۔
اس پیسٹ کو اپنی جلد پر لگا کر 10سے 15منٹ تک لگا رہنے دیں ۔
اب جلد کو دھو لیں یا شاور لے لیں ۔

گلیسرین :
گلیسرین جلد کی نمی برقرار رکھنے میں اہم کردار ادا کرتی ہے ، یہی وجہ ہے کہ گلیسرین کو کئی اقسام کی کریمز اور لوشنز میں بھی استعمال کیا جاتا ہے ۔

طریقہ :
گلیسرین اور عرق گلاب چار ، چار کھانے کے چمچ لے کر ملا لیں (عرق گلاب نہ ہو تو سادہ پانی بھی لے سکتے ہیں )
سونے سے پہلے اس مکسچر کو اپنے ہاتھ ، چہرے اور جہاں لگانا چاہیں وہاں لگاکر مساج کرلیں ۔
اگلی صبح نیم گرم پانی سے دھولیں یا شاور لے لیں ۔
روز سونے سے پہلے یہ عمل کریں اور جب تک ضرورت محسوس کریں دھراتے رہیں ۔

ایلوویر ا :
ایلوویرا کے پتے اور جیل جلد کی نمی کے لیے انتہائی اہم ہیں ۔ ایلوویرا کے پتوں کو استعمال کرنے کا طریقہ درج ذیل ہے ۔

طریقہ :
تھوڑا سا ایلوویرا جیل لے کر جلد پر لگا لیں ۔
مساج کرکے پندرہ منت تک لگا رہنے دیں ۔
اب نیم گرم پانی سے دھولیں ۔
تین سے چار دن تک حسب ضرورت یہ عمل دھرائیں ۔

گلا ہو ا کیلا :
اگر کیلا گل جائے تب بھی اس کو ضائع کرنے کی بجائے اس کو جلد کے لئے استعمال کریں ۔
کیلے کے اندر پائے جانے والے وٹامن اور اینٹی آکسیڈنٹ جلد کے لئے انتہائی مفید ہیں ۔

طریقہ :
کیلے کو میش کر کے پیسٹ بنالیں ۔
ایک چائے کا چمچ شہد شامل کرلیں ۔
اب اس مکسچر کو جلد پر اچھی طرح لگا کر آدھے گھنٹے کے لئے چھوڑ دیں ۔
اب نیم گرم پانی سے دھولیں ۔
ہر دو دن کے بعد یہ عمل دھرائیں ۔
جب تک ضرورت محسوس کریں ، دھراتے رہیں ۔

ناریل کا تیل :
ناریل کے تیل میں فیٹی ایسڈ اور دیگر اجزاء جو جلد کے لئے نہایت مفید ہیں پائے جاتے ہیں ۔ جسکی وجہ سے یہ جلد کو تروتازہ اور نرم و ملائم رکھنے میں اہم کردار کرتا ہے ۔

طریقہ :
تھوڑا سا ناریل کا تیل کے کر مائیکرویو اوون میں معمولی سا گرم کرلیں ۔
گرم کیا ہوا تیل جلد پر لگائیں ، اچھی طرح مسا ج کرکے دس منٹ تک لگا رہنے دیں ۔
اب شاور لے لیں ۔
دن میں ایک مرتبہ یہ عمل کریں ۔