کیا آپ نے کبھی مٹی کی ہانڈی میں کھانا پکایا ہے؟ کیا آپ
نے کبھی محسوس کیا ہے کہ ہانڈی میں پکے کھانے اور پتیلی میں پکے کھانے کے
ذائقے میں کتنا فرق ہوتا ہے ؟ کیا آپ نے کبھی سوچا ہے کہ گاؤں کے لوگ شہری
لوگوں سے زیادہ صحت مند کیوں ہوتے ہیں ۔ اس لیے کہ وہ مٹی کے برتنوں میں
کھانا کھاتے ہیں ۔ مٹی کے پیالوں میں پانی پیتے ہیں ۔ ہانڈی میں کھانا
پکانا نارمل پتیلے میں کھانا پکانے سے کہیں زیادہ بہتر اور آسان ہے ۔ اس سے
کھانے کی غذائیت میں اضافہ ہوتا ہے اور ساتھ ہی ساتھ اس سے کھانا بنانا
آسان بھی ہوجاتا ہے ۔
|
|
مٹی کی ہانڈی میں کھانے پکانے کے چند فوائد
درج ذیل ہیں ۔
1۔ سب سے پہلا فائدہ تو یہ ہے کہ ہانڈی سے بھاپ باہر نہیں جاتی جس کی وجہ
سے کھانے کی تمام غذائیت اس کے اندر رہتی ہے اور اس کا ذائقہ بھی بہترین
ہوتا ہے ۔
2۔ اکثر کھانوں میں تیزابیت والے اجزاء موجود ہوتے ہیں ۔ مٹی کی ہانڈی میں
کھانا پکانے سے کھانے کی تیزابیت ختم ہوتی ہے اور کھانا مزید غذائیت سے
بھرپور ہوجاتا ہے۔ہم یہ بات نہیں جانتے کہ مٹی کی ہانڈی کے اندر تمام اہم
وٹامز ہوتے ہیں یہاں تک کہ وٹامن بی 12بھی ہمیں اس میں پکائے کھانے سے حاصل
ہوتا ہے ۔
|
|
3۔ اس ہانڈی کی ایک خصوصیت یہ بھی ہے کہ ہانڈی میں کھانے کو زیادہ گرمائش
نہیں ملتی جس کی وجہ سے کھانے کے تمام اہم اجزاء کی غذائیت برقرار رہتی ہے
۔ کھانے کو ایک مخصوص گرمائش پر پکانا چاہیے جس سے اس کے nutrientsضائع نہ
ہوں اور اسی وجہ سے ہانڈی میں پکا کھانا زیادہ مزیدار بھی ہوتا ہے ۔
4۔ ہانڈی میں پکا کھانا زیادہ دیر تک گرم رہتا ہے اس لیے کھانا بار بار گرم
کرنے کی ضرورت نہیں پڑتی جس سے کھانا ذائقہ اور غذائیت دونوں بیک وقت
برقرار رہتے ہیں-
|
|
5- مٹی کے برتنوں میں کھانا پکانے میں اپنی ہی لذت ہے۔الکالائین جسم میں’
پی ایچ ‘لیول کو اعتدال میں رکھتا ہے مٹی میں الکالائین کی فراہمی ہونے کی
وجہ سے یہ پیٹ درد، معدے کی سوزش، تیزابیت اور دیگر اندرونی درد کی شکایات
کو دور رکھتا ہے۔
|