|
ایک چینی شخص جب اپنے بائیں کان میں آنے والی عجیب آوازوں
کی شکایت لے کر جب مقامی اسپتال پہنچا تو وہاں موجود ڈاکٹروں نے کان سے جو
کچھ دریافت کیا اس نے ڈاکٹروں سمیت اور ہر کسی کو حیران و پریشان کردیا-
جی ہاں Dalian Central Hospital کے ڈاکٹر Cui Shulin نے معائنے کے بعد اس
چینی شخص کے کان میں آنے والی عجیب آواز یا شور کی وجہ یہ دریافت کی کہ کان
کے گہرے حصے میں ایک مکڑی مسلسل اپنا جالا بنا رہی تھی-
|
|
|
|
60 سالہ چینی مریض جس کی شناخت ظاہر نہیں کی گئی نے اسپتال میں شکایت کی
تھی کہ اسے بائیں کان میں ایسی آواز سنائی دیتی ہے جسے کوئی ڈرم بجا رہا
ہوں- جس کے بعد ڈاکٹر نے کان کے معائنے کا فیصلہ کیا- ڈاکٹر کا خیال تھا کہ
شاید کوئی اڑنے والا کیڑا کان میں داخل ہوگیا ہوگا مگر اس بات کی توقع ہرگز
نہیں تھی کہ کان میں ایک مکڑی کی جانب سے باقاعدہ جالا تیار کیا جارہا ہے-
چینی شخص نے ڈاکٹر کو بتایا کہ “ جب میں گزشتہ رات سونے کے لیے لیٹا تو یہ
آواز کان میں آنا شروع ہوئی مگر میں نے نظرانداز کردیا- مگر جب صبح بیدار
ہوا تو بھی یہ آواز آرہی تھی“-
ڈاکٹر نے endoscope کی مدد سے جب کان کے اندرونی حصے کا معائنہ کیا تو وہ
یہ دیکھ کر حیران رہ گئے کہ اندر تقریباً 5 سینٹی میٹر پر ایک مکڑی موجود
ہے جو مسلسل حرکت کر رہی ہے اور اپنا جالا بنا رہی ہے-
یہ صورتحال میڈیکل اسٹاف اور مریض دونوں کے لیے ہی حیران کن ثابت ہوئی-تاہم
ڈاکٹر نے ایک چھوٹا سا کامیاب آپریشن کرتے ہوئے مکڑی کو باہر نکال لیا اور
کان کا دوبارہ معائنہ بھی کیا گیا اور یہ یقینی بنایا گیا کہ آپریشن کی وجہ
سے مریض کی قوتِ سماعت متاثر نہیں ہوئی-
|
|
|