میسج کا جواب نہ دینا طلاق کا باعث بن گیا

دنیا بھر میں شادی شدہ جوڑوں کے درمیان طلاق واقع ہونے کے رجحان میں اضافہ دیکھنے میں آرہا ہے جس کی کئی وجوہات ہیں- تاہم تائیوان سے تعلق رکھنے والی ایک خاتون نے اپنے شوہر کو اس وجہ سے طلاق دے دی کہ وہ ان کے ٹیکسٹ میسجز کو نظر انداز کرتے ہوئے ان کے جوابات نہیں دیتا-

خاتون نے اپنے شوہر کو بھیجے گئے وہ تمام آن لائن میسجز عدالت میں جج کے سامنے پیش کیے جنہیں دیکھا تو گیا تھا لیکن ان کا جواب نہیں دیا گیا- یہ میسجز پیغام رسانی کی ایپ “ لائن “ کے ذریعے بھیجے گئے تھے-

ایپ کے سسٹم سے یہ واضح ہوتا ہے خاتون کے بھیجے گئے میسجز پڑھے تو ضرور گئے لیکن ان کا جواب نہیں دیا گیا- اور اسی بنیاد پر جج نے خاتون کے حق میں فیصلہ سنا دیا-

متاثرہ خاتون نے مسلسل چھ ماہ تک اپنے شوہر کو مسیجز کیے جن میں چند سنجیدہ نوعیت کے پیغامات بھی شامل تھے جیسے کہ “ میں حادثے کا شکار ہوگئی ہوں اور اسپتال میں داخل ہوں“- لیکن شوہر کی جانب سے کسی میسج کا جواب موصول نہیں ہوا٬ البتہ اس پیغام کو پڑھا ضرور گیا-