پاکستان بھر میں موسمِ گرما کی تعطیلات کا آغاز ہونے والا
ہے اور ایسے میں اکثر افراد موسمِ گرما کے یہ دن ٹھنڈے مقامات پر گزارنے کی
منصوبہ بندی کر رہے ہوتے ہیں- اور یہ بہترین وقت ہے پاکستان کے چند انتہائی
دلچسپ اور خوبصورت ہائیکنگ ٹریکس کی سیر کا- ان مقامات کی پیدل سیر نہ صرف
آپ کو تروتازہ بناتی ہے بلکہ آپ کی توانائی میں بھی اضافہ کرتی ہے- |
میرانجانی ٹریک
میرانجانی ٹریک سیاحتی سفر کے دوران پیدل چلنے کے شوقین افراد کے درمیان
انتہائی مقبول ہے- یہ 8 کلومیٹر طویل ٹریک ہے اور اس پر سیاح 3 سے 4 گھنٹے
تک پیدل چلتے ہیں- یہ ٹریک ایبٹ آباد ضلع کے خوبصورت علاقے میں واقع ہے-
میرانجانی تک رسائی حاصل کرنے کے دو راستے ہیں ایک نتھیاگلی سے اور دوسرا
گورنر ہاؤس سے- اس پیدل سفر کے دوران دریائے جہلم٬ تربیلا جھیل٬ ایبٹ آباد
شہر اور ٹھنڈیانی کا خوبصورت نظارہ بھی کیا جاسکتا ہے- اس کے علاوہ نانگا
پربت کا دلکش نظارہ بھی کیا جاسکتا ہے جو کہ میرانجانی سے 400 کلومیٹر کے
فاصلے پر ہے-
|
|
مکشپوری ٹاپ ٹریک
مکشپوری گلیات جنگلات کی دوسری بلند ترین چوٹی ہے- یہ اسلام آباد سے 90
کلومیٹر شمال میں واقع ایک دلکش راستہ ہے- یہ 4 کلومیٹر طویل راستہ ہے جہاں
تک رسائی دو دراستوں کے ذریعے ممکن ہے- مکشپوری ٹاپ تک آپ نتھیاگلی سے بھی
پہنچ سکتے ہیں اور ڈونگا گلی سے بھی- اس ٹریک سے گزرتے ہوئے لالہ زار کا
خوبصورت نظارہ بھی کیا جاسکتا ہے جو کہ نتھیا گلی سے آتے ہوئے ایک کلومیٹر
کے فاصلے پر آتا ہے-
|
|
ایوبیہ ٹریک
ایوبیہ نیشنل پارک کو چار مقبول ترین سیاحتی مقامات گھیرے ہوئے ہیں جن میں
ٹھنڈیانی٬ نتھیا گلی٬ ایوبیہ اور خانسپور شامل ہیں- ایوبیہ سے دو ٹریک
نکلتے ہیں جن میں سے ایک ایوبیہ سے ڈونگا گلی کی جانب جاتا ہے اور اسے
ایوبیہ نیشنل پارک ٹریک کے حوالے سے جانا جاتا ہے جبکہ دوسرا ایوبیہ سے
چھانگلہ گلی کو جاتا ہے- اس میں سے پہلا راستہ 4 کلومیٹر طویل جبکہ دوسرا 8
کلومیٹر طویل ہے-
|
|
پائپ لائن ٹریک
ڈونگا گلی سے ایوبیہ ٹریک کو پائپ لائن ٹریک کہا جاتا ہے کیونکہ اس راستے
سے ڈونگا گلی سے مری تک کو پانی فراہم کیا جاتا ہے- یہ دنیا کے خوبصورت
ترین ٹریکس میں سے ایک ہے جو کہ 4 کلومیٹر طویل ہے- یہ ایک ہموار ٹریک ہے
یعنی اس پورے راستے میں کوئی اتار چڑھاؤ نہیں آتے-
|
|
گرنگ کاس ٹریک
یہ نتھیا گلی باکوٹ سڑک پر واقع ایک سرسبز جنگل اور قدرتی طور وجود میں آنے
والی ندی والا ایک خوبصورت مقام ہے- یہ نتھیا گلی گورنر ہاؤس سے 5 کلومیٹر
کے فاصلے پر واقع ہے- اور یہ پیدل چلنے والوں کے علاوہ گاڑی پر سفر کرنے
والوں کے لیے بھی ایک بہترین اور پرکشش راستہ ہے-
|
|
آنسو جھیل ٹریک
سیف الملکوک سے آنسو جھیل تک پہنچنے والا راستہ انتہائی عجیب ہے- اس دوران
آپ کو درمیانی بلندی کے حامل 7 پہاڑوں اور متعدد نہروں سے گزرنا ہوتا ہے-
اگر آپ اس سفر کے دوران بالکل بھی آرام نہ کریں تو بھی آپ کو اپنی منزل تک
پہنچنے میں تقریباً 6 گھنٹے لگتے ہیں- |
|