ڈاکٹروں نے کامیاب آپریشن کے بعد ویتنام کے ایک شہری کے
پیٹ میں موجود دو قینچیاں باہر نکال لی ہیں جو کہ گزشتہ 18 سال شہری کے پیٹ
میں موجود تھیں- اب سوال یہ پیدا ہوتا ہے کہ یہ قینچیاں وہاں کیسے پہنچیں؟
|
|
امکان ظاہر کیا جارہا ہے کہ جب 1998 میں یہ متاثرہ شخص ایک کار حادثے کا
شکار ہوا تو اس وقت آپریشن کے دوران ڈاکٹروں نے یہ 6 انچ کی لمبائی کی حامل
قینچیاں پیٹ میں ہی چھوڑ دیں تھی-
تاہم یہ شہری اس وقت سے کچھ عرصہ قبل تک ایک نارمل زندگی گزار رہا تھا اور
اسے کسی قسم کی تکلیف کا سامنا نہیں تھا-
لیکن حال ہی میں 54 سالہ متاثرہ شخص Ma Van Nhat کے پیٹ میں درد کی شکایت
پیدا ہوئی جو کہ متعدد درد کش دواؤں کے استعمال کے باوجود دور نہیں ہوئی-
جس پر ڈاکٹروں نے پیٹ کا الٹرا ساؤنڈ کیا تو یہ خوفناک انکشاف ہوا کہ مریض
کے پیٹ میں دو قینچیاں موجود ہیں-
|
|
ڈاکٹروں نے ایک کامیاب آپریشن کر کے یہ قینچیاں باہر نکال لی ہیں اور متاثر
شخص کی صحت بھی اب بحالی جانب گامزن ہے- دوسری جانب حکام ان ڈاکٹروں کا
سراغ لگانے کی کوشش کر رہے ہیں جنہوں نے اس شخص کا ماضی میں آپریشن کیا تھا
لیکن اب تک حکام کو کوئی کامیابی حاصل نہیں ہوسکی- |